Monsanto se saadverkope en wins daal
DIE internasionale saadmaatskappy Monsanto het verlede week bekend gemaak dat sy netto inkomste vir die eerste kwartaal van die boekjaar van R4,3 miljard tot R2,8 miljard gedaal het vergeleke met die eerste kwartaal verlede jaar.
Die maatskappy sê in sy kwartaalverslag dat netto verkope in die eerste kwartaal R33,7 miljard teenoor die ooreenstemmende tydperk verlede jaar se R36 miljard was.
In ’n verklaring word die daling in wins toegeskryf aan onder meer minder mielies wat in Suid-Amerika aangeplant is, minder katoen in Australië en ’n verskuiwing in die tydperk waarbinne saad gewoonlik verkoop word.
Besteding aan verkope en administrasie vir die kwartaal was R6,75 miljard, terwyl in dié tydperk R4,8 miljard aan navorsing en ontwikkeling bestee is.
Mnr. Hugh Grant, voorsitter en uitvoerende hoof, sê daar was aansienlike vooruitgang in die maatskappy se mikpunte vir die eerste kwartaal wat hul vertroue versterk vir die res van die boekjaar en verder vorentoe. “Ondanks moeilike toestande in die landbou op die kort termyn, bly ons in staat om met nuwe oplossings te kom om opbrengste te verbeter en geleenthede vir groei in die huidige toestande en oor die langer termyn te skep.”
Die maatskappy sê die eerste kwartaal se resultate is steeds beter as verwag. Met laer miel i e- aanplantings i n Amerika word ’ n verdere daling in die tweede kwartaal verwag, met groeiverwagtinge in die derde en vierde kwartaal om die jaar op ’n gelykspeelpunt te eindig.
Nuwe s oj aboontegnologie word gesien as die kernproduk vir winsgroei in dié boekjaar.