Somerweer speel met saaiboere saam
DIE
seisoen vir grane en oliesade in die somerreëngebied het tot dusver van die ooste tot die weste net reg verloop.
Die kans is goed dat saaiboere op droëland weer verlede jaar se rekord- opbrengste kan afhaal as die weer in die volgende twee maande so goed soos tot dusver saamspeel.
“Die someroeste (mielies, sojabone en sonneblomme) lyk pragtig. Die weer was tot nou perfek,” sê mnr. Brink van Wyk, graanmakelaar van die firma BVG.
Hy sê boere oor die hele somerproduksiegebied het in die feestyd goeie reën gehad – op of bokant hul gemiddelde neerslae op lang termyn.
Wat weervooruitsigte op mediumtermyn betref, is daar tot dusver nog geen rede tot kommer nie. Wetenskaplike vooruitskouings toon dat normale neerslae op die meeste plekke verwag kan word. Die oestyd is ook nie vreeslik ver nie. Dit is hoogstens so twee maande lank voordat opbrengste grootliks gelewer is, sê Van Wyk.
Die mielie-oes moet nog deur die bestuiwingstyd teen middel en einde Februarie wanneer dit kwesbaar is vir droogte. As dit dan weer goed reën, kan baie goeie opbrengste verwag word, sê hy.
In dié stadium meen hy die nasionale gemiddelde mielieopbrengs behoort bokant die gemiddelde vir die afgelope drie tot vyf jaar te wees. “Dit lyk of ons op pad kan wees na verlede jaar se rekord-opbrengste.”
Boere het vanjaar meer hektare somergraan teenoor die vorige seisoen geplant, hoewel ’n bietjie minder mielies, maar meer sonneblomme en sojabone.
Prysbewegings op die markte is die laaste weke in groot mate deur die rand-dollar-wisselkoers beïnvloed, wat uiters wisselvallig was.
Wat plaaslike pryse vir die res van die seisoen betref, sê Van Wyk dit behoort in groot mate deur ons uitvoertempo bepaal te word. Om met die diepseeuitvoer van die nuwe seisoen se oes te begin, moet die heersende pryse met ’n geraamde 10% (rofweg R200 per ton) val sodat SuidAfrikaanse mielies mededingend op die wêreldmark kan wees, sê Van Wyk. – MARLEEN SMITH
KLIMAAT
Volgens Agri SA was die somerreën tot dusver oorwegend gunstig vir akkerbouproduksie. “Besproei i ngs boerder y, wat 25% tot die waarde van landbouproduksie bydra, het ook goeie vooruitsigte. Damme is landwyd gemiddeld 80% vol en in van die groter stelsels is die
BELEGGING
Möller het gesê voortgesette belegging is die beste waarborg vir volgehoue voedselsekerheid en volhoubare, mededingende produksie. “Die bedryf moet talle hindernisse oorkom om sy mededingendheid te handhaaf en terselfdertyd groter bydraes tot transformasie en die maatskaplike opheffing van werkers en hul gesinne lewer. Tog is daar vertroue in die toekoms van die bedryf.”
Dit blyk onder andere uit die toename van 8,4% in die waarde van belegging in die landbou die afgelope jaar, gerugsteun deur ’n toename van 10,1% in die waarde van grond en verbeterings en 9,9% in dié van masjinerie, werktuie en voertuie.