Boere kan kragkrisis help oplos — energiekenner
ANTWOORDE vir die kragkrisis in Suid-Afrika lê in sonkrag en die landbou, meen mnr. Danie Coetzee, ’n boer van Upington en kenner van alternatiewe energie. Maar die krisis kan erger raak as besluitnemers aanhou om die hulp wat die boerderygemeenskap aanbied, te ignoreer.
Hy sê pryse van sonpanele het in die jongste jare drasties gedaal. Al hoe meer onderne- mings en boere besef vandag die voordele van sonkrag en het groot stelsels geïnstalleer om hul kragrekenings af te bring.
Met die huidige rentekoers en sonpaneel-en elektrisiteitspr yse kan ’ n s onkragstelsel homself binne drie tot vyf j aar terugbetaal.
“Die kans is goed dat sonpaneelpryse verder gaan daal, terwyl die kans 100% is dat elektrisiteitspryse verder gaan styg.
“Ons sit met ernstige elektrisiteitstekorte en besluitnemers moet besluit watter tipe tegnologie die beste en ekonomiesste gaan wees. Kernkrag en steenkool is die logiese opsies. Hoewel dit beproefde tegnologie is, is dit duur en dit duur lank om ’n kragsentrale op te rig. Om ’n nuwe steenkoolkragsentrale te bou, kos byvoorbeeld meer as R30 per watt, terwyl ’n kernkragsentrale R70 per watt kos.”
Daarteenoor het die prys van sonpanele tot minder as R10 per watt gedaal.
“Ons voorland i s dus duur krag, beurtkrag of selfs geen krag nie. Of ons kan ons eie sonkrag opwek.”
Coetzee sê moderne tegnologie maak dit moontlik om krag Oes die son – sáám met gewasse. ’n Boer van Upington meen moderne tegnologie maak dit moontlik om krag vanaf sonpanele op te wek en dit met die elektrisiteitsnetwerk te sinchroniseer, soos hier in Noord-Carolina, Amerika. FOTO: