Sit jou geld op dieet
Spaar is soos ’n dieet. Dis altyd makliker om eerder “Maandag” te begin as vandag. Die lekkerte van op ’ n Maandag begin, is dat daar altyd nóg ’n Maandag is, of wat sê ek?
Hierdie tyd van die jaar hou almal se nuwejaarsvoornemens mos nog. Die algemeenstes is om minder te eet, minder te drink en meer te oefen. Maar wat van meer spaar? Daar is mense wat sulke voornemens het, en ek dink dit is baie goed. Diegene wat nie sulke voornemens koester nie, kan dit gerus oorweeg.
Maar wanneer begin jy? Hoeveel spaar jy? Waarin spaar jy?
Begin nou. Vandag. Moenie wag tot môre of die einde van die maand nie. Luister na jou vriende wat wil dieet. Vra bietjie hoeveel Maandae al verby is. Jy bereik niks deur te wag nie. Uitstel raak ’ n gewoonte, glo my. Verbreek dit.
Hoeveel? As jy ernstig is om welvaart te skep, spaar soveel as moontlik. Jy kán rykdom skep uit ’ n salaris, anders as wat sommige mense jou wil wysmaak. Jy gaan miskien nie die rykste man of vrou in die land wees nie, maar dit is nie die punt nie. As jy gereeld en lank genoeg spaar, kan jy selfs op ’ n gemiddelde salaris een van die rykste 10% mense in die land wees.
Goed, “soveel as moontlik” is dalk nie die beste riglyn nie. Jy wil tog darem ook ’n stukkie van jou inkomste geniet, of hoe? Dieetkundiges weet dit. Daarom sluit ’n goeie langtermyn-eetplan nie alles uit wat lekker is nie. Dieselfde geld vir ’n sinvolle spaarplan.
Die sleutelwoord is dissipline. Besluit vooraf wat jou doelwit is. Net soos ’ n gewigdoelwit as jy dieet, moet jy ’n welvaartdoelwit hê. Anders is jy besig om geld in ’n gat te gooi. Kort voor lank gaan jy verveeld raak. Omdat jy nie verstaan waarheen jy op pad is nie, gaan jy die geld trek en ’n kar of ’ n ding koop en dan is die welvaartdroom in sy peetjie.
Jy kan jou eie doelwit bepaal. Oor 5 jaar, 10 jaar of 20 jaar wil ek ’n sekere bedrag gespaar hê. Kry dan ’ n goeie finansiële beplanner om vir jou die berekeninge te doen oor hoe om daar uit te kom. En soos kitsdiëte niks anders as ’n foefie is nie, moet jy jou nie laat meesleur deur beloftes van kitsrykdom nie.
’ n Opbrengsdoelwit van 3% bo inflasie, met ander woorde sowat 9%, is verantwoordelik en aanvaarbaar. Natuurlik, as jy oor ’ n lang tyd spaar sal jy fondse gebruik wat vir jou ’n baie hoër potensiële opbrengs gee. Maar die potensiaal is altyd daar dat hulle ook kan val. Hou jou verwagtinge billik, dan vermy jy teleurstellings.
Ek sal sê jy behoort rondom 20% van jou inkomste te spaar. Nie 20% ná alle uitgawes nie, 20% van inkomste. Hou jou uitgawes binne die 80% wat oorbly. Besluit dat jy eintlik die belangrikste mens in jou lewe is en daarom daarop geregtig is om jouself eerste te betaal.
Bly weg van skuld. Dit is in die meeste gevalle ’n slegte ding – vaste eiendom (met sekere voorwaardes) uitgesluit. Skuld beteken jy het nie genoeg geld om te betaal vir wat jy wil hê nie. Dit is hoe jy ander ryk maak en jouself verarm.
Nico van Gijsen is lid van Fisa en besturende direkteur van Finlac, ’n onafhanklike finansiëlerisiko-bestuursmaatskappy wat by die Raad op Finansiële Dienste gelisensieer is. Finlac is aan geen finansiële produkverskaffer verbonde nie. Die raad wat hier gegee word, is van ’ n algemene aard en moenie as toepaslik op ’ n spesifieke geval beskou word nie.
As jy gereeld en lank genoeg spaar, kan jy selfs op ’n gemiddelde salaris een van die rykste 10% mense in die land wees. Ons nuwejaarsvoornemens is gewoonlik dinge soos om minder te eet en meer te oefen. Voeg vanjaar ’n spaardoelwit by dié lysie.
LINKS: Adv. Alan Nelson SC (regs) meen die meeste geskille tussen partye in ’n hofgeding kan deur bemiddeling besleg word. By hom is sy seun, Daniel, ’n opgeleide bemiddelaar.
een die middel 1990’s het die vervaardiging van Musgrave- gewere in Suid- Afrika tot ’ n einde gekom, hoofsaaklik weens mededinging van internasionale handelsname.
Teen 2009 het mnr. Frik du Plooy begin om nuwe lewe in die Musgrave-nalatenskap te blaas. Hy het die regte op dié ikoniese handelsmerk van Denel bekom en die hergeboorte van dié gewere binne die strukture van sy onderneming, JJ Wapens, op Ermelo, begin beplan.
Volgens Frik is die moderne Ermelo Musgrave- gewere, wat in 2012 op Gauteng se HuntEx-ekspo bekend gestel is, so gewild omdat dit in die behoeftes van sportskuts én jagters voorsien. “Ons het ’n jaggeweer ontwerp wat voldoen aan skyfskietspesifikasies,” sê hy.
“Dit beteken jy het ’n uiters akkurate geweer wat jy vir jag én sportskiet kan gebruik.”
Die Musgrave-fabriek is ’n familie-onderneming waar Frik se broer, Dirk, sy regterhand is.
Die doel is tans om sowat 100 gewere per maand te vervaardig om by te hou met die voortdurende toename in die vraag.
Dirk maak dit egter duidelik dat hulle nie gehalte sal inboet net om produksie te verhoog nie. “Ons het besluit ons gaan stadig groei en maak soos die Italianers,” sê hy.
“Hou dit in die familie en hou jou gehalte reg totdat jy gereed is vir die volgende stap.”
het Musgrave ’n filiaal van Krygkor geword. In 1972 is die eerste Musgrave- gewere ingevolge dié nuwe reëling aan die publiek beskikbaar gestel. Terselfdertyd is ’n fabriek naby Bloemfontein opgerig, een wat teen die laat 1980’s 6 000 Musgrave-gewere per jaar vervaardig het vir ’ n Suid- Afrikaanse mark wat deur internasionale isolasie gekenmerk is.
“Weens die jare lange isolasie en sanksies kon jy nie oorsese gewere koop nie. Almal het ’n Musgrave gekoop,” sê mnr. Gary Barnes, wapensmid by Ermelo Musgrave. “Daar
goedgekeur word, word van chroom- molibdeenstaal ( chrome moly steel) van goeie gehalte gemaak. Dié word dan aan kolwe gemonteer saam met die legendariese Mauser K98 VZ 24-aksie waarmee alle Ermelo Musgrave-gewere uitkom.
Lope word vervaardig in lengtes van 22 duim, 24 duim en 26 duim, terwyl alle krone teen 11 grade gesny word vir beter akkuraatheid.
Verder is alle Musgrave- lope – wat twee keer in die produksieproses stresverligting ondergaan – dikker en swaarder as Europese geweerlope. Dit is om beter akkuraatheid oor lang afstande te verseker.
Afgesien van Gary se kennis en vaardighede is ’n groot poging aangewend om ook die bedrewe en ervare geweerkolfspesialiste op te spoor wat by die Musgrave-fabriek in Bloemfontein gewerk het, sê Dirk. “Die werkers wat ons by Musgrave gekry het, is geweerkolfspesialiste,” verduidelik hy. “’n Mens kry nie maklik sulke mense nie.”
ESTETIES ÉN DOELTREFFEND
Vandag word die Musgrave-geweerkolwe – met die uitsondering van die gelamineerde kolwe van die Musgrave Varminter-reeks – slegs uit ingevoerde Turkse okkerneuthout vervaardig. Aandag aan detail is die wagwoord. Kyk maar na die kolwe van die Deluxe- en Exhibition Musgrave-modelle wat van net die beste Turkse okkerneuthout van 200 jaar tot 300 jaar oud gemaak word, met ’n swartivoorpunt asook ’n stukkie ivoor op die punt van die greephuls.
Dirk sê afgesien van die estetika van die Musgrave- kolwe – wat almal met Glatex 8-poli-uretaanemalje behandel word om vog uit te hou – is die ontwerp daarvan spesifiek daarop gemik om die skop te verminder en die algehele akkuraatheid van die geweer te verbeter. Die bokant van Musgrave-kolwe lê byvoorbeeld in ’ n regstreekste lyn met die loop – ’n ontwerp wat seker maak die skop word deur die skouer geabsorbeer pleks daarvan dat die loop lig wanneer die skoot afgevuur word.
Verder is die unieke pistoolgreep in Musgrave-kolwe nie net daarop gemik om ’n skut se hand nader aan die sneller te bring vir ’n gemakliker en stewiger greep nie, maar dit laat ook die gewrig toe om reguit te bly wanneer jy vuur sodat die skop doeltreffender geabsorbeer word.
Laastens het alle Musgrave- kolwe skophingsels en ekstrabreë en -dik skopkussings as standaardkenmerke om ’ n aangename skietervaring te verseker.
NAVRAE: Mnr. Frik du Plooy, e-pos:
Webwerf:
of