BEDRYF HET GOEIE PRESTASIESTELSEL NODIG

Met die hele petalje oor die Landbounavorsingsraad en SA Stamboek se dreigende hofsaak wil ek as melkboer darem net die volgende sê: Ons registrasie-en- prestasiestelsel gaan agteruit wat deelname betref. Dit is uiters noodsaaklik dat iets daadwerkliks gedoen word.

Ek stel voor ons kyk dringend na ’ n paar dinge. Net die deelname van die hele bedryf sal die uiteindelike sukses van die stelsel bepaal. Daar moet geluister word na elkeen wat melk en die bedryf dien om sodoende doelwitte aan te pas.

Wat is die doelwitte? Is die vernaamste een nie om meerderwaardige diere te identifiseer ten einde die boer in staat te stel om meer winsgewend te boer nie?

Om by die telers uit te kom, moet met ál die klubs geskakel word om vernootskappe met bereidwilliges aan te gaan. Soek mense wat wíl. Daar behoort erkenning gegee te word aan mense wat byvoorbeeld handel dryf met diere, semenagente en voermaatskappye – almal wat by die boer op die plaas kom. Dit moet jou kontak wees met nuwe, potensiële deelnemers.

Om suksesvol te wees, het ons die volgende nodig: Goeie infrastruktuur. Bemarking. (Hoe bemark ons

die doel van ons organisasies?) Opleiding en ontwikkeling

van mense om voor te vat. Ekonomiese ontwikkeling (die produktiwiteit van werknemers). Dit is ook noodsaaklik dat ons die Wet op Diereverbetering ( Wet 62 van 1998) op alle gebiede toepas om sodoende orde te skep. Die nageslag van ingevoerde semen sal registreer moet word om sodoende die fenotipe te klassifiseer. Dit sal ook prestasiegetoets moet word om die genotipe te bepaal.

Die Intergis is daar om as datastelsel te dien en sodoende regeringshulp te gebruik.

Kom ons werk saam en bou die bedryf uit.