ONDERSOEK TEEPLASE BEHOORLIK
Met die lees van die berig “Teeplase slurp groot geld op” ( LBW, 19 Des. 2014), was dit vir my duidelik dat die ware redes vir die mislukkings weggesteek word.
Die “feeverhale” wat op die Tshivhase-teelandgoed in Venda en die Makgoba-teelandgoed by Tzaneen afspeel, is ’n voorbeeld van die tipe voedselsekerheid wat op die land wag.
Om die Tshivhase- landgoed kunsmatig met staatsgeld aan die lewe te hou weens arbeid wat te duur is, is belaglik. Die hoofbeampte van Agri Limpopo se onwilligheid om oor die winsgewendheid van die projek kommentaar te lewer, is ook kommerwekkend.
Iemand moes die R280 miljoen wat oor ses jaar aan die Tshivahase- landgoed betaal is, ontvang het. Om wat mee te maak, welwetende dat dit vanweë hoë arbeidskoste byna onmoontlik is om winsgewend te produseer?
Dit is alombekend dat die Sapeko- teelandgoed ’ n uiters winsgewende teeboerdery was wat deur die Makgoba-stam begeer, deur die staat met belastingbetalersgeld gekoop en aan die arme Makgoba geskenk is. Almal was toe skielik miljoenêrs, terwyl die staat nog R53 miljoen oor ’n tydperk van vier jaar aan hulle betaal het. Daar is nie ’ n teken van wat met die miljoene rande aangevang is nie. Daar is nie ’n sent aangewend om werktuie aan te skaf nie. Gevolglik het bosindringing plaasgevind en word die teeplantasie blykbaar nou vernietig om vir avokadobome plek te maak.
Nou word wolhaarstories aan ons lesers opgedis, terwyl die waarheid verswyg word. Waarom erken die betrokkenes nie dat die nuwe base nie kan boer nie en, soos hulle dit stel, die staatsgeld “geëet” het?
Ek stel voor dat ’ n behoorlike oudit uitgevoer en belastingbetalers, soos in die geval van Nkandla, ingelig word oor waarheen al die miljoene is.
MNR. CHRISTO GROENEWALD van die plaas Alexanderkloof by Riviersonderend is die eienaar van die Dorwald-Dormerstoetery en is verlede jaar aangewys as Molatek se Kommersiële Skaapboer van die Jaar. Hy glo onder meer dat die boer met aangepaste diere moet boer en goed vir sy ooie moet sorg. Lees die artikel op bl. 42. Ek en my vrou, Beppie, het drie kinders. Die 22-jarige tweeling, Chris en Betro, werk albei en Herman (17) is nog op skool. Ek geniet veldfietsry en hou graag in die Kalahari en Namibië vakansie. Boerdery en om saam met my gesin te kamp. van die plaas Etna, naby Gobabis in Namibië, is ’n beesboer wat ’n slim en baie bekostigbare plan bedink het om sy vleislemme te slyp. Lees die artikel op Ek is getroud met Beatrix. Ons het drie kinders. My oudste dogter is ’n radiografis op Gobabis en die ander dogter is ’n kliniese tegnoloog. My seun gaan vanjaar bedryfsingenieurswese in Potchefstroom studeer. Alle Gobabis-boere hou op Henties vakansie! Ek het ingenieurswese aan die destydse Technikon Pretoria gestudeer.