SA IS VRY VAN BEK-EN-KLOU, MAAR DAAR’S NOG BAIE WERK

SUID-AFRIKA behou steeds sy status as vry van bek- en- klouseer, maar moet volgens die internasionale organisasie vir dieregesondheid (OIE) aan verskeie kwessies aandag gee.

Mnr. Senzeni Zokwana, Minister van Landbou, Bosbou en Visserye, sê die wetenskaplike komitee van die OIE het spesifieke kwessies uitgewys wat aandag moet kry.

Suid-Afrika het sy status as vry van bek-en-klouseer in Februarie 2011 verloor. Na raming het dit verliese van R4 miljard per j aar aan verlore landbou- uitvoergeleenthede meegebring.

Die status is in Februarie verlede jaar herstel en volgens prof. Edith Vries, direkteur-generaal, word só ’n status jaarliks bevestig.

Volgens Zokwana was die OIE- komitee met sy besoek einde laas jaar bemoedig deur vordering wat sedert 2013 op sekere gebiede van die bestryding van bek-en-klouseer gemaak is, soos beesidentifikasie deur die gebruik van oorplaatjies en die oprig van ’n rooilynheining wat die beheersone in KwaZulu-Natal van die vrye sone skei.

Die OIE sê die volgende moet nou aandag kry:  ’n Beter grens met Zimbabwe.  Duidelike tekens wat die ingange tot beheersones en vrye sones aandui.  Vakante poste i n kritieke gebiede in provinsiale veeartsenykundige dienste moet gevul word en amptenare moet die nodige vervoer hê om bek- en- klouseer behoorlik te bestry.  Heinings moet die buffels in die Ndumo-wildreservaat van die beeste daarbuite skei.  Die algemene monitering van bek- en- kl ouseer i n die beheersones en vr ye sones moet verbeter word en voorrang moet gegee word aan die waarneming van buffels in die Ndumo- en Tembe-wildreservate in KwaZulu-Natal.  Entstof teen bek-en-klouseer moet deurlopend beskikbaar wees.  Diere en diereprodukte uit beheersones moet by slagplase geskei word van diere en produkte uit vrye sones. Mnr. Gerhard Schutte, hoof uitvoerende beampte van die Rooivleisprodusente-organisasie (RPO), sê dit is goeie nuus dat die land se status bly geld.

“’n Groot poging van die departement en die bedryf is nou nodig. Dit lyk of die politieke wil daar is.”

Mnr. Dave Ford, uitvoerende direkteur van die SA Voerkraalvereniging, het gesê ’n groot taak lê voor. Hy vra dat sekere kwessies voorrang geniet omdat alles nie in ’n kort tyd afgehandel kan word nie.

Volgens Zokwana is die veebedryf van meer as R50 miljard rand ’ n belangrike bydraer tot werkskepping en veral plattelandse mense se bestaan.