EERSTE MIELIES GEPLANT WAT DROOGTE VERDRA
Mnr. Bheki Cele, Adjunkminister van Landbou, Bosbou en Visserye, het onder groot toejuiging die eerste droogteverdraagsame (DV) witmieliebastersaad op die Landbounavorsingsraad (LNR) se navorsingsplaas by Groblersdal, Limpopo, met ’n eenry-handplanter geplant. Dié DV-mielie wat op opkomende boere gemik is, is deur die projek Waterdoeltreffende Mielies vir Afrika (Wema) ontwikkel. Sowat 10 000 sakkies DroughtTEGO WE3127 van 500 gram elk is gratis deur die LNR landwyd aan opkomende boere geskenk. Cele het ’n beroep op boere gedoen om hul sokkies op te trek, aan die werk te spring en die saad te plant. “Droogtes veroorsaak oesverliese, werkloosheid, hongersnood en armoede. Hierdie DV-mieliekultivar sal boere help om hongersnood te verlig,” het Cele gesê.
SUID-AFRIKA beskerm sy biodiversiteit jaloers. Die land is op twee na die mees biodiverse land ter wêreld en sal nie toelaat dat geneties gemodifiseerde organismes ( GMO’s) sy biodiversiteit bedreig nie, want dit is die ruggraat van toekomstige volhoubaarheid. Suid-Afrika het ’n ontwikkelende ekonomie en dit moet tot almal se voordeel uitbrei, sê me. Naledi Pandor, Minister van Wetenskap en Tegnologie.
Sy was ’n spreker met die opening van die 13de internasionale simposium oor die bioveiligheid van GMO’s in Kaapstad.
Sy het gesê Suid-Afrika is nommer agt op die lys van wêreldlande wat GM gewasse aanvaar het. GM gewasse word in Suid-Afrika op meer as 2,9 miljoen hektaar verbou tot voordeel van die klein en groot kommersiële boerderye.
Altesame 86% van die mielies, 92% van die sojabone en al die katoen wat in die land verbou word, is GM gewasse.
“Die publiek wil sekerheid hê dat die kundigheid wat aangewend word, toepaslik is en dat besluite in hul beste belang is. ’n Kragtige bioveiligheidsraamwerk is daarvoor nodig. Ons kyk nie net na die impak op die omgewing nie, maar ook na die invloed op mens en dier se gesondheid.
“Ons gebruik biotegnologie nie net by gewasse nie, maar ook om entstowwe en medisyne te ontwikkel om siektes te bekamp. Verder word biotegnologie aangewend om klimaatsverandering te ondervang. Terwyl ek hier praat, word droogtebestande mielies in veldproewe getoets,” het Pandor gesê.
Om dit te kan bereik, sluit Suid- Afrika se bioveiligheidsraamwerk die aanvaarding in van die Wet op Geneties Gemanipuleerde Organismes (Wet 15 van 1997). Die wet magtig die skep van ’n besluitnemende liggaam waarin die voorsitter van die wetenskaplike advieskomitee dien en vyf nasionale staatsdepartemente verteenwoordig word. Die wet magtig ook ’ n proses gegrond op wetenskaplike beginsels.
Pandor het gesê die volgende instellings werk mee aan die stelsel se doeltreffendheid: Die Suid- Afrikaanse Biodiversiteitsinstituut, wat deur die Regering gemagtig is om bekendstellings van nuwe GM gewasse te monitor. Die Sentrum vir Uitnemendheid in Indringingsbiologie om potensiële indringing van GM gewasse te monitor. Di e Af ri k a - p l a t f o r m vi r Bioveiligheid wat strategiese bioveiligheidsnavorsing ondersteun. Die Nasionale Navorsing
stigting en die Agentskap vir Tegnologiese Vernuwing, wat bioveiligheidsnavorsing en biotegnologievernuwing ondersteun. Die Program vir Openbare Begrip van Biotegnologie, wat openbare bewustheid en begrip bevorder. “Ek meen Suid-Afrikaners kan die stelsel vertrou. Ons weet ook van die behoefte om nouer met landelike gemeenskappe saam te werk en hulle te steun in die skep van voedselsekerheid en ook om voordeel uit wetenskaplike vordering te kan put,” het Pandor gesê. – HANS LOMBARD
Trekkers met rusperbande agter en gewone bande voor is deesdae groot nuus aan die landboutoerusting-front.
Die webtuiste www.agriculture.com het dit onlangs as een van verlede jaar se toptien- vernuwings aangewys. New Holland én Case het die afgelope jaar sulke modelle bekend gestel. New Holland se SmartTrax is in drie modelle met verskillende groottes rusperbande beskikbaar, en Case IH se Magnum Rowtrac in twee modelle met rusperbande van vier verskillende breedtes.
Nog een van die nuwe ontwikkelings wat agriculture. com uitlig, is ’ n multikanaal- spuit wat landbou- ingenieurs aan die Clemson-universiteit in Amerika ontwikkel het. Dit kan gelyktydig 24 verskillende chemiese middels toedien.
Die spuit het ’ n GPS. Dit is aanvanklik ontwikkel om verskillende chemiese toedienings op navorsers van die universiteit se proefaanplantings te vergemaklik. Dit kan egter ook vir kommersiële toestande aange- pas word, met tien afsonderlike spuitbalke, wat elkeen 30 m lank is, wat afwisselende presisie-hoeveelhede van verskillende middels kan toedien. – MARLEEN SMITH