INSTANDHOUDING AGTERWEË GELAAT
Instandhouding van die netwerk se kragsentrales het ook erg agterweë gebly, wat verdere druk op die stelsel uitoefen. Na ra- ming sal dit sowat tien jaar duur om alle instandhoudingswerk weer in te haal. Prof. Christo Viljoen, ’n afgetrede professionele ingenieur en ’ n voormalige lid van die Elektrisiteitsraad ( nou die Eskom-raad) en die Elektrisiteitsbeheerraad ( tans Nersa), het in ’ n skrywe aan Media24 gesê Suid-Afrikaners moet hulself daarop voorberei dat die risiko vir ’n landwye kragonderbreking, wat weke kan duur, drie tot vyf jaar lank ’n werklikheid is.
Mnr. Tshediso Matona, uitvoerende groephoof van Eskom, het ook op 12 Januarie gewaarsku daar bestaan ’ n groot moontlikheid dat Suid-Afrika tot twee weke lank sonder elektrisiteit sal moet klaarkom in die geval van ’n landwye kragonderbreking.
Viljoen sê Eskom se beskikbare opwekvermoë is 42 gigawatt (GW). Met ’n reserwe van 15% vir voorkomende roetine- i nstandhouding behoort Eskom deurlopend ’n maksimum van 35,7 GW te kan opwek.
Op 5 Desember verlede jaar was daar egter net 24 GW beskikbaar ná die ineenstorting van die steenkoolsilo by die Majuba-kragsentrale, terwyl die vraag 28 GW was. Derhalwe moes 4 GW se las afgesny word en is beurtkrag toegepas. Gemiddeld is daar tans net 32 GW van die nominale 42 GW beskikbaar.
Om die korttermyn- tekort aan te vul, word gasturbines aangeskakel en elektrisiteit by pompopgaarskemas opgewek. Gasturbines is egter onekonomies duur (teen sowat R5 per kilowatt-uur, oftewel vier maal meer as die Eskom-verkoopprys) en water-pompopgaarskemas het ’n beperkte tyd waarin dit elektrisiteit kan lewer voordat die opgegaarde watervoorraad opraak.
WURGGREEP VAN ROMPSLOMP
Intussen kan Suid-Afrika se boere Eskom van hulp wees, maar