EU-BOERE ERG GEKWEL OOR BUROKRATIESE ROMPSLOMP TEKEN IN EN BESPAAR!
SOWAT 400 000 mense het vanjaar die Grüne Woche ( groen week), een van die grootste toonvensters vir die landbou ter wêreld, in Berlyn, Duitsland, besoek.
Ondanks die sukses van dié ekspo, is die gees onder boere neerdrukkend weens ’n verwagte afname van sowat 1,6 miljard euro (R24 miljard) in beoogde beleggings in die landbou vanjaar in Duitsland. Beleggings was verlede jaar 6,3 miljard euro (R94,5 miljard) en sal waarskynlik vanjaar 4,7 miljard euro (R70,5 miljard) wees.
Mnr. J o a ch i m Rukwied, voorsitter van die Duitse landbou-unie, beskou burokrasie en rompslomp wat met die Europese Unie se algemene landbou-be- leid (CAP) gepaardgaan, as een van die boere se grootste struikelblokke. “Elke nuwe regulasie lei tot minder beweegruimte, ’n toename in koste en minder wins.” Hy sê weens die groeiende vraag na kos is daar nogtans goeie vooruitsigte.
Mnr. Christi an Schmidt, Duitse minister van landbou, het beloof om namens boere te veg teen onnodige burokratiese struikelblokke wat veroorsaak dat die CAP dreig om in ’n doodloopstraat te beland.
Hy sê die CAP skep ’n betroubare, stabiele wetsraamwerk wat boere nodig het en verseker die subsidies wat hulle beskerm. Onnodige burokrasie kos boere egter geld. Daar is onder meer verwys na beperkinge op die gebruik van kunsmis en vereistes vir groen stroke wat gevestig moet word en oormatige klem op dieresorgvereistes.
Schmidt sê die publiek neem toenemend kennis van waar hul kos vandaan kom en die toestande waarin dit geproduseer word.
Hy sê mense se borde moet nie oorlaai word met regulasies oor wat hulle behoort te eet en hoe hulle dit moet eet nie. ’n Opname deur sy departement toon dat 89% van die publiek net meer inligting wil hê sodat hulle self kan besluit. Net 13% glo politici moet regulasies skep oor voeding.
Die groen week is vanjaar die 80ste keer aangebied en 1 658 uitstallers uit 68 lande het daaraan deelgeneem.
Boere moet besef dat hul relatiewe afsondering op plase tot gevolg het dat snel reaksie deur die SAPD en sekuriteitsmaatskappye nie altyd en oral gewaarborg is nie. Benewens doeltreffende sekuriteitsmaatreëls om vroeë waarskuwing te verskaf, is dit belangrik dat die naaste bure voorbereid sal wees om tydens noodtoestande hulp te verleen. Sodanige hulp kan deur vrywillige betrokkenheid by ’n “plaaswag” bewerkstellig word wat saam met die SAPD ’n groter mate van teenwoordigheid kan bewerkstellig.