Jong boere weet wat werk
Die klomp manne wat v e r l e de j a a r a s di e provinsiale wenners van die Toyota SA/ Agri SA Jongboer van die Jaar-kompetisie aangewys is, gesels elkeen oor van die aspekte wat tot hul suksesvolle boerderye gelei het.
Mnr. Sakkie van Zyl, graanen-veeboer van Wolmaransstad in Noordwes, is as die nasionale Jongboer van die Jaar vir 2014 aangewys. Hy is as die beste uit agt finaliste gekies. Hy boer met mielies, sonneblom en vee. Hy bedryf ook ’n voerkraal.
Die ander finaliste sluit in uitblinkers soos mnr. Jaco du Toit, van die Wes-Kaap. Hy boer met tafeldruiwe by De Doorns in die Hexriviervallei, op ’n plaas van 41 ha. Hy boer meestal alleen, “behalwe my neef JP Theron wat help met die algemene bestuur van die plaas.”
Mnr. Kolver Mulke van die Noord-Kaap boer in die Plooysburg-omgewing, tussen Kimberley en Douglas. Sy plaas is 240 ha waar hy alleen boer “en dan op 200 ha in ’ n vennootskap om die helfte saam met my pa waar ek die boerdery bestuur.” Hulle boer met aartappels (onder meer as moerkwekers vir GWK), uie, saaduie, koring, mielies, grondbone, katoen en beeste.
Mnr. Paul du Plessis van Gauteng boer in die distrik Heidelberg met sojabone en mielies op grond wat hy huur.
Mnr. Boeboe Louw van die Vrystaat het ’ n boerdery by Wesselsbron teen die Vaalrivier. “My saaivertakking bestaan uit wit mielies op droëland, geel mielies onder besproeiing, sonneblom, lusern en koring onder besproeiing. Die veevertakking bestaan uit kommersiële Bonsmara- en Nguni- beeste vir die produksie van speenkalwers wat op sowat 230 kg bemark word, en ’n kommersiële Dormerkud-
Die jong boere wat verlede jaar as die beste in hul onderskeie provinsies aangewys is, boer in uiteenlopende toestande. Een ding wat hulle egter gemeen het, is dat hulle nie skroom om die nuutste tegnologie aan te wend nie. Vir al die boere gaan dit oor goeie produkte, goeie en volhoubare diens en herverkoopwaarde. As dit die beste geskik is vir hul omstandighede, dan is die gehalte van die produk en naverkoopdiens die twee vereistes waaraan almal moet voldoen.
de op ’n intensiewe aangeplante weidingstelsel vir die bemarking van speenlammers.”
Mnr. Zander Ernst van Limpopo is van die Allesbeste-boerdery buite Tzaneen. Die boerdery se vertakkings is avokado’s, piesangs, bosbou en lietsjies. Hulle het ook ’n kwekery en ’n padstal. Verder het die boerdery aandele in die uitvoermaatskappy Afrupro.
Mnr. Charles Hodsdon, met sy plaas in Mpumalanga, boer tans op 5 900 ha en 1 100 ha huurgrond. Sy boerdery sluit in 1 400 teelkoeie, ’n voerkraal waarin jaarliks meer as 1 000 kalwers afgerond word en ’n groeiende gewasboerdery van meer as 800 ha.
TOERUSTING IS BELANGRIK
Sakkie, die algehele wenner, reken elke stukkie toerusting dien sy doel en een kan nie bo die ander verhef word nie.
“Aangesien ons hele produksieproses van kontantgewasse reeds gemeganiseerd is, is daar nie ’ n enkele stuk toerusting wat belangriker is as ’ n ander nie – elkeen is onmisbaar op die spesifieke tyd van die jaar en die werk wat die spesifieke toerusting moet doen. Die toerusting wat in die saaiboerdery gebruik word raak egter al hoe meer en meer gevorderd en ’n groter oppervlakte kan teen ’n laer koste en met groter doeltreffendheid bewerk word.”
Elke stukkie meganisasie is belangrik, stem Kolver saam. “Die doel van meganisasie moet wees om jou bestuur te vergemaklik en om jou produk vinniger en teen ’n beter gehalte in die verbruiker se bord te plaas!”
Vir Boeboe het die verandering in bewerkingspraktyke van- af “drie rye van 5 voet ( 4,5 mwerkswydte) na ’ n sesrystelsel (7,3 m-werkswydte)” baie waarde tot sy boerdery toegevoeg. “Dit het teweeggebring dat ek die kW/ ha afgebring het vanaf 0,74 kW/ha tot 0,39 kW/ha en vir koste en dieselbesparing vanaf 80 liter/ha tot 55 liter/ha.”
Jaco reken enigiets wat geldbesparing teweegbring, is goed. “Meganies gesproke sal ek trekkers met nuwe tegnologie en laer brandstofverbruik, en spuitkarre wat ’n kleiner volume per hektaar spuit, benut. Dit moet ook ’n laer energielas op die trekker plaas.”
Paul stem daarmee saam en sê “dit is vir my die belangrikste dat die tegnologie moet help met vogbewaring, kostebesparing en beter oeste”.
MAATSKAPPYE
Vir saad van watter aard ook al maak dié Jongboer-wenners van Monsanto en Pannar gebruik. New Holland en John Deere is baie gewild wat trekkers betref en vir goeie kunsmis raai hulle onder meer Greenlands aan.
Kolver sê hy toets egter talle maatskappye voordat hy finaal besluit wie se dienste hy gaan gebruik. “Ek maak gebruik van ’n wye reeks van maatskappye. Tussen my aanplantings plant ek proewe van al die maatskappye en die maatskappy wie se produk die beste presteer, maak die grootste gedeelte uit van my aanplantings.”
Op die ou end gaan dit vir al die boere oor goeie produkte, goeie en volhoubare diens en herverkoopwaarde. As dit die beste geskik vir hul omstandighede is, dan is die gehalte van die produk en naverkoopdiens die twee vereistes waaraan almal moet voldoen.