Werkers se prestasie op die voorgrond
Uitblinkers in die landbou s l uit natuurlik ook die personeel in wat bydra tot die sukses van elke boerder y. In die Wes- Kaap Plaaswerker van die Jaar-kompetisie i s administratiewe personeel, trekkerbestuurders en besproeiingspesialiste vereer.
Die erkenning van die rol wat plaaswerkers in plase se suksesverhaal speel, is veral in die Wes-Kaap sigbaar waar dié arbeidsintensiewe sektor sowat 129 000 werksgeleenthede bied.
“Ek glo aan dié kompetisie. Dit gee die nodige erkenning aan werkers in ’n baie belangrike sektor van ons ekonomie,” het mnr. Alan Winde, Wes- Kaapse minister van ekonomiese geleenthede en landbou, gesê.
Mnr. Jerome Thomas van die Kanonkop- wynlandgoed, Stellenbosch, is aangewys as 2014 se wenner, berig Jeandré du Preez.’n Rekordgetal van 1 057 plaaswerkers is vir die kompetisie ingeskryf.
Jerome werk die afgelope 14 jaar op die landgoed waar hy as ’n seisoenwerker begin het. Tans beklee hy ’n junior bestuursposisie en is verantwoordelik vir die toesighouding oor werkers. Hy het weggestap met pryse van R100 000 wat onder meer kontant, ’n studiebeurs en ’n oorsese studiereis insluit.
Mnr. Franklin Jansen van die plaas Jamacajo, Hexriviervallei, is aangewys as die plaaswerker met die meeste potensiaal.
Mnr. Daan Malan van die MMB-boerdery, Bethal, is die wenner van Pioneer se sojakompetisie wat op die Nampo-Oesdag gehou is.
Daan sê hy het nie hierdie prys gewen omdat hy ’n wonderlike boer is nie, maar slegs omdat hy ’n vraelys reg ingevul het. “Ek is dus baie dankbaar dat ek hierdie geleentheid kry. Ek is seker dit gaan ’n ervaring wees om te onthou. My motto bly good things happen to those who know God loves them, wat nie op hul eie prestasie en vermoë om God tevrede te hou, staatmaak nie, maar vertrou op die volmaakte werk wat God in Christus vir ons kom vermag het.”
Deelnemers moes die persentasie opbrengsverhoging skat wat Pioneer gemeet het deur slegs die beste sojaboonsaad te plant. Die antwoord was 5%.
Daan gaan boere en navorsingsgeriewe in Brasilië besoek as gas van DuPont Pioneer. “Ek sien uit daarna om te sien en ervaar wat die Brasiliane doen — veral met die aanwending van tegnologie en verbeterde bewerkings- en minder bewerkingsmetodes.”
Daan se familie boer al sedert die 1920’s op die plaas Rusticana net buite Bethal aan die N17. Hulle het begin met melkkoeie – eers Friese en van die laat 1970’s af het hulle Holsteins ook gekry.
“My ma is eintlik die melkboer wat die kudde opgebou het tot die sukses wat dit vandag is. Sy is steeds betrokke by die daaglikse bedrywighede van die melkery.
“My pa was jare aktief in die politiek voordat hy by die destydse Landboukredietraad betrokke geraak het. Vandag doen hy steeds al die onderneming se boeke en maak seker dat ons nie geld mors nie. Ek en my vrou het in 1991 plaas toe gekom. Ek is hoofsaaklik in beheer van die saaiboerdery en doen wat ek kan om die melkery aan die gang te hou.”
MMB Boerdery bestaan uit Rusticana Holsteins en Rusticana Boerdery. Rusticana Holsteins bestaan uit ’n kudde van ongeveer 1 000 geregistreerde Holstein-diere met sowat 500 melkkoeie.
“Ons probeer om soveel moontlik van ons eie voer te produseer. Dit is die verantwoordelikheid van Rusticana Boerdery. Ons beplant sowat 400 ha met mielies waarvan die helfte onder Pioneer se 33H56 saad is. Elke jaar word ongeveer 120 ha se mielies as kuilvoer gesny.
“Sowat 200 ha se sojabone is hierdie seisoen aangeplant. Hierdie seisoen is die eerste een waarin ons Pioneer se sojaboonsaad aangeplant het. Pioneer se aanbod van vars, ingevoerde saad het ons aangespoor om hierdie stap te doen.”