Kweek ’n gesindheid van uitnemendheid
Soos in enige bedryf, is gesonde mededinging in die landbou se verskillende vertakkings ’n aansporing vir elkeen wat deelneem om die volgende jaar nóg beter te vaar.
Ook geen wonder dat SuidAfrikaanse landbouers dikwels onder die beste ter wêreld gereken word nie.
LANDBOUSKRYWERS SA
’ n Mens hoef bloot te kyk na die artikels oor uitblinkers, soos Landbouskrywers SA se Boer van die Jaar vir 2014, die Bosveldgroep in Limpopo.
Bosveldgroep is die land se grootste private sitrusboerdery en uitvoerder en het net meer as 5 000 mense in diens. Die boerdery het van ’ n skamele 100 ha sitrus in Letsitele in die 1960’s gegroei tot ’ n groep met meer as 3 600 ha sitrus wat 5,5 miljoen houers uitvoervrugte lewer, skryf Jan Bezuidenhout op Landbou.com.
Die groep produseer ook 1 750 ton piesangs, 300 ton avokado’s, 550 ton lietsjies, 2 000 ton mango’s en 60 000 ton suikerriet op die plase by Letsitele, Hoedspruit, Burgersfort, Po litsi, Malelane en Komatipoort.
Die Landbouskrywers SA het prof. Ferdi Meyer, direkteur van die Buro vir Voedsel en Landboubeleid, as Landboukundige van die Jaar aangewys.
Die Nuwe Toetreder tot Kommersiële Boerdery van die Jaar is mnr. Ralph en me. Preline Swart van Elim in die WesKaap. Hulle het vanjaar hul ideaal bereik om hul eie kommersiële plaas te besit, met die koop van ’n plaas van 950 ha naby Stormsvlei, Riviersonderend.
Benewens dié en ander boere wat ons reeds in hierdie seksie genoem het, is hier nog ’n paar noemenswaardige uitblinkers van verlede jaar oor wie in die afgelope 12 maande in Landbouweekblad geskryf is.
BEESBEDRYF
Tientalle eerbewyse word jaarliks toegeken om uitnemendheid by rooivleisprodusente en beestelers te erken. Een van die grootste geleenthede om dié uitblinkers te vereer vind plaas tydens die Vleisbeesskool wat deur Breedplan en Landbouweekblad by Aldam aangebied word. Charl van Rooyen het oor dié geleentheid berig.
Zoetis se BreedplanBul van die Jaar, Lared Shepard DB 11/300, is deur mnr. Danie Botes van die Laredstoetery, Windhoek, geteel.
Molatek se Beesboer van die Jaar is mnr. Philip Barnard van Clocolan.
Die Pick n Pay SuiderAfrikaanse Stoetteler van die Jaar is mnre. André en AJ du Toit van La Rhone Limousins, Tulbagh.
Die Land Bank se Koeigroep van die Jaar het verskeie rasse se topgroepe erken: Mnre. John Devonport, Devlanstoetery (Limousin), Houghton; Llewellyn Angus, WispWillstoetery (Simbra), Arlington; me. Henriëtte le Grange, Aurorastoetery (Braunvieh), Summerdown, Namibië; Jan Hattingh, Salerikastoetery ( Simmentaler), Delareyville; Almut en Heinz Gruhn, Ontongovistoetery ( Hereford), Windhoek; Mornay Verster, Le Rocstoetery ( Brangus), Tweespruit; Herman Gerber, Athaliastoetery (Braford), Amsterdam; Louis Meyer, Lorizastoetery (Brahman), Lichtenburg; die Neudammproefplaas ( Afrikaner), Universiteit van Namibië, Windhoek; Waldo Lottering, Waldoringstoetery ( Charolais), Gobabis; Omatjenneproefplaas (Nguni), Otjiwarongo; Ingo Rix, Black Nossobstoetery (Santa Gertrudis), Windhoek; en Cobus van der Merwe, St. Blaizestoetery (Sussex), Gobabis.
SKAAPBEDRYF
Tydens die Vleisbeesskool by Aldam is ook erkenning gegee aan rooivleisprodusente in die skaapbedryf. Molatek se Skaap boer van die Jaar is mnr. Christo Groenewald van Riviersonderend.
Voermol se Skaapboer van die Jaar is mnre. PD Jacobs en sy skoonseun, Willem Grobbelaar van PdrinoMerino ( Trompsburg). Mnr. John Melville, bestuurder van CMW in die Vrystaat, is as Bayer se Skaapenwolman van die Jaar aangewys.
Op internasionale vlak het SuidAfrika se span skaapskeerders koning gekraai in die Golden Shears Skaapskeerenwolhanteringskompetisie in Ierland. In die handskeerafdeling is mnr. Mayenseke Shweni as die wêreldkampioen aangewys, met mnr. Zweliwile Hans in die tweede plek.
JEUGSKOUWENNERS
Ook jonges ding graag mee in die landbou. Sowat 200 senior deelnemers het ingeskryf vir die 15de nasionale Jeugskou op Vryburg gedurende Oktober verlede jaar. Die skou is deur Mutual & Federal Agri saam met Landbouweekblad aangebied.
Van belangrikste klasse se individuele wenners, was: Pluimvee: William Juul van die WesKaap; varke: Ruan van Wyk van Mpumalanga; vleisbokke: Wilmie Hough van die WesKaap; veselbokke: Phillip Schutte van die WesKaap; melkbokke: Tumelo Maretela van Noordwes; wolskape: Anthea Smit van die WesKaap; vleisskape: Marko van der Merwe van die WesKaap; perde: Gerhardus Fourie van Mpumalanga; melkbeeste: Human Wessels van die Vrystaat; en vleisbeeste: Zuné Saayman van die WesKaap.
Die Suid-Afrikaanse landboubedryf kan met genoegdoening terugkyk op verlede jaar se prestasies in verskeie landswye kompetisies wat uitnemendheid erken.