Lae olieprys voorspel goedkoper kunsmis
DIE tuimeling in die internasionale ruolieprys die afgelope paar maande kan goeie nuus vir boere wees.
Daar word tans wyd gespekuleer oor wat die uitwerking van die drasties laer ruolieprys op internasionale kunsmispryse sal wees, sê mnr. Corné Louw, ekonoom van Graan SA.
“Eerstens behoort ’ n laer ru- olieprys kunsmis in die algemeen goedkoper te maak omdat ’n groot persentasie van die wêreld se kunsmis redelik ver vervoer moet word,” sê Louw in die produsente-organisasie se jongste nuusbrief.
“Tweedens behoort dit ’n regstreekse invloed op stikstofpryse te hê. Die ruolieprys beïnvloed die prys van aardgas, wat die hoofgrondstof vir stikstofproduksie is.
’n Laer ruolieprys kan dus laer stikstofpryse tot gevolg hê.”
Louw voeg egter by dat dit moeilik is om te bepaal wanneer die uitwerking van die laer ruolieprys op kunsmispryse gesien sal word.
Internasionale kunsmisprysneigings kan met redelike akkuraatheid gebruik word om veranderings in Suid-Afrikaanse kunsmispryse te voorspel.
Die internasionale prys van ammoniak het van Desember verlede jaar tot vandeesmaand gedaal, terwyl die internasio- nale pryse van ureum, DAP en kaliumchloried meestal gestyg het.
Hoewel plaaslike pryse die internasionale pryse in ’n groot mate navolg, het veranderings in die rand-dollar-wisselkoers ook ’n invloed, sê hy.
Suid- Afrika se gemiddelde MAP- prys het in die j aar tot Januarie vanjaar met 28% ges t yg, die gemiddelde K ANprys met 4,6%, die gemiddelde ureumprys met 4,5% en die gemiddelde kaliumchloriedprys met byna 8%, toon Louw se statistieke.