LADISMITH KEELVOL OOR WATER
’N HERRIE het op Ladismith losgebars nadat boere hul leibeurte, wat hulle aan die dorp afgestaan het, onttrek het. Die dorp het te min drinkwater ná ondergemiddelde reënval en sneeu laas winter, wat die J.F. Le Grange-dam voed. Dié dam loop leeg nadat watervloei uit die berg sedert Oktober verlede jaar afgeneem het.
Boonop het dié dam ’n struktuurfout in sy wal wat die dam se kapasiteit beperk. Verskeie pogings deur Departement van Waterwese om dit te herstel, het glo misluk wat tot gevolg gehad dat die departement besluit het dat die dam net tot 60% van sy kapasiteit vol kan wees.
Dit is egter nie die eerste keer wat Ladismith ’n waterkrisis beleef nie en die gemeenskap raak nou keelvol. “Boere het vanjaar hul leibeurte uit die bergbron afgestaan om die Kannaland-munisipaliteit te help om drinkwater aan die dorp se inwoners te voorsien op voorwaarde dat die munisipaliteit ’ n vergadering skeduleer waar die munisipale bestuur, die provinsiale departement van waterwese en boere betrokke is, sê mnr. Hennie Kotze, voorsitter van die Klein-Swartbergrivier-waterforum.
“Boere wil weet wat die stand van sake is. ’n Nuwe dam is deur Waterwese in die vooruitsig gestel en ons wil weet hoe vorder die saak.”
Die bestuur het egter nie by die voorwaarde gehou nie en boere het hul watervoorsiening aan die dorp onttrek. Die Sunday Times het vroeër berig dat die munisipaliteit by die Departement van Waterwese aansoek gedoen het om boere se besproeiingswater na die dorpsdamme te herlei vir huishoudelike en nywerheidsgebruik. Volgens dié koerant beskuldig mnr. Jeffrey Donson, burgermeester van die munisipaliteit Kannaland, die boere daarvan dat hulle water in so ’n mate weerhou dat Kannaland water aan die gemeenskap en skole moet voorsien. beer kontak, maar hy was nie beskikbaar vir kommentaar nie.
“’ n Gebrek aan kommunikasie is die grootste probleem wat tans heers. Al wat ons wil weet, is waar ons staan en of daadwerklik opgetree g aan word,” sê Kotze. – JEANDRÉ DU
Landbouweekblad het mnr. Morné Hoogbaard, die munisipale bestuurder, telefonies pro-