SOSIALE MEDIA FNUIK RAMPOKKERS

MET sowat 2 000 lede op sy Facebook-blad is die Veediefstalvoorkomingsforum/ Livestock Theft Prevention Forum besig om veediewe se lewe baie moeilik te maak. Mnr. Willie Clack, voorsitter van die Nasionale Veediefstalforum, sê die idee agter die veediefstalblad is om die net so wyd moontlik te span om veediefstalsake onder die publiek se aandag te bring.

“Kyk, die ding werk,” sê Clack. “Ek sien gereeld suksesverhale van boere wat vee teruggekry het nadat nuus daaroor op die blad versprei is.”

Hy sê die Afrikaanse en Engelse inskrywings word weerskante toe vertaal om die blootstelling te vergroot.

Clack het op grond van sy ervaring reeds ’n navorsingsartikel geskryf wat die invloed van die sosiale media in die bekamping van misdaad ondersoek.

Die artikel is onlangs in sy t ot alit eit deur die Mokopane- streekhof aanvaar i n die saak teen die veedief mnr. Tinus Groenewald. Groenewald is tot 80 jaar gevangenisstraf gevonnis, wat effektief 16 jaar in die tronk beteken.

Clack beskou dié vonnis as een van die Facebook- blad se grootste suksesse.

“Myns insiens is dit ’n regverdige vonnis. Die reg moet nie net die saak van die beskuldigde dien nie, maar ook die belang van die gemeenskap. In hierdie saak meen ek dat die balans tussen die gemeenskap se belange en dié van die beskuldigde gehandhaaf is.”

Hy meen dat die aanmelding van veediefstal een van die grootste knelpunte in die stryd teen dié tipe misdaad is.

“Een van die grootste probleme is die onderrapportering van sake. Tans word slegs sowat 40% van veediefstalsake per jaar by die polisie aangemeld. Dit trek natuurlik Suid- Afrika se misdaadstatisitek heeltemal skeef,” volgens Clack.

“Vir my is dit noodsaaklik dat elkeen wat ’ n diefstal op die bladsy aanmeld, ten minste binne ’n dag ook’n saaknommer vir die diefstal verskaf, terwyl ’n brandmerk ook ononderhandelbaar is.”

Hy meen dat daar nog meer op ander s osiale netwerke, soos Twitter, gedoen kan word. – GERRIT BEZUIDENHOUT

LBW: Watter suksesse met grondhervorming het Agri OosKaap behaal? EP: Die beste voorbeelde is die talle swart boere wat sonder enige regeringshulp hul eie plase gekoop het en vandag vorentoe boer. Jy kry hulle oral in die provinsie. Dit is jammer dat die kollig meer op die mislukkings as op die suksesverhale val.

LBW: Wat sou jou boodskap oor grondhervorming aan minister Nkwinti wees? EP: Hou op om te dikteer – luister ernstig na die werkbare voorstelle wat die georganiseerde landbou na die tafel bring.

LBW: Die staat sê daar is te min grond vir grondhervorming. Wat is jou mening oor die voormalige tuislande en die ongebruikte grond wat reeds deur die staat gekoop is, soos dié langs die Visrivier wat destyds vir ’n suikerbeetprojek aangekoop is? EP: Dit is nodeloos dat hulle grond koop wat nie ontwikkel word nie. Dit ondermyn die landbou. Daar is plase langs die Visrivier wat vir die suikerbeetprojek aangekoop is, maar ál die