TEGNOLOGIE ÁL NODIGER
bekom. Die termiese infrarooimeting dui op die temperatuur van ’n oppervlak (byvoorbeeld ’ n wingerd). “’ n Laer temperatuur dui op aktiewe transpirasie in die plante, terwyl hoër gemete temperature op stres dui. “Die satelliet meet basies die refleksie van sonlig van ’n oppervlak af, asook die uitstralings deur daardie oppervlak. Dit word deur die sensors waargeneem,” sê Caren.
Sy sê om te bereken hoe akkuraat die satellietbeelddata is, word die waterverbruik van plante met onder meer Eddy-ko-variansiestelsels gemeet wat by Somerset-Wes en Kapel geïnstalleer is. “Die akkuraatheid van die groeidata word ook nou in talle wingerde geëvalueer. Só word voortdurend gemonitor of die satellietinligting korrek is. Die resultate is baie verblydend.”
André sê in dié stadium is die diens nog gratis, maar boere wat dit wil gebruik, sal mettertyd daarop moet inteken om hul plaas se eksklusiewe inligting te ontvang. Tans kan die datakaarte deur almal gesien word op die webwerf, www.fruitlook.co.za. is een van die diensverskaffers wat Fruitlook gebruik. “Die landbou raak ál meer gesofistikeerd en afhankliker van tegnologie om mededingend te bly,” sê hy.
Fruitlook-tegnologie stel die boer en konsultant in staat om waterbestuur per boord oor ’n hele groeityd te monitor en te evalueer.
Die monitering van waterbestuur is uiters belangrik in die landbou. Hoewel tegnologie bestaan om water doeltreffend te bestuur, is dit dikwels nie vir die boer ekonomies haal- baar om dit binne een produksiejaar op sy produksie-eenhede te installeer nie. “Fruitlook bied onder meer die tegnologie en data om waterbestuur op ’n hele produksie-eenheid te monitor teen geen koste nie.”
Bykomend word biomassaproduksie-, blaararea- en vegetasie-indeksdata weekliks voorsien. Met behulp van intelligente interpretasie deur die boer en konsultant kan verskeie probleme in boorde opgelos word. “Met Fruitlook- tegnologie kan die konsultant en boer aansienlik doeltreffender wees deurdat probleme vinnig vasgestel en reggestel word vóór die boer ekonomiese verliese ly,” sê Nelius.
Mnr. Anton Müller, tegniese bestuurder by Kromco op Grabouw, sê Fruitlook bied die boer die geleentheid om die verband tussen sy boord se groei en sy besproeiingsregime weekliks te monitor sodat die nodige aanpassings betyds gemaak kan word. “Hoewel bestaande grondvogmetings steeds belangrik is vir daaglikse besluitneming, bring Fruitlook boomgroei as ’ n nuwe dimensie in ’ n maklik verstaanbare formaat na die tafel. Nog ’n voordeel is dat ‘groeitydnabetragting’ gedoen kan word om strategieë vir die volgende groeityd te beplan.”
Mnr. Nelius Kapp, ’n grondkundige van die besproeiingsmaatskappy Prophyta op Elgin,