Agricol nuwe Canola kultivars
Agricol beskik oor ‘n reeks van beide konvensionele en triasien verdraagsame ( TT )- kultivars. In beide van hierdie groepe is daar oopbestuifde sowel as baster kultivars beskikbaar. Agricol se vlagskip kultivar bly nog steeds Agamax wat jaar na jaar ongeag die seisoen uitstekende opbrengste lewer. Dit is ‘n baster konvensionele kultivar met ‘n besonderse vermoë om uitstekend aan te pas by wisselende groeitoestande soos in die verskillende streke van die canola produksiegebied aangetref word. Uit dieselfde stal as Agamax, is daar vanjaar ook CB Tango beskikbaar. Tango is ook ‘n baster konvensionele kultivar met die besonder eienskap van ‘n verkorte dae tot blom periode. Toepassing van Tango sal hooofsaaklik wees in gebiede waar die reënval dikwels neig om vroeg af te sny. In hierdie geval is Tango ‘n uitstekende keuse aangesien die blomtydperk en die daaropvolgende vulling van peule ‘n beter kans het om reeds voltooi te wees, sou die seisoen vinnig afsny. Die gebruik van Tango, waar groot hektare aangeplant word, kan ook ‘n voordeel inhou om die druk tydens oestyd effe te versprei. In gebiede waar sterk winde tydens oestyd voorkom is Tango ook ‘n goeie opsie om vroeër te begin stroop en oesverliese as gevolg van sterk winde te beperk. Wat die TT-kultivars betref is daar vanjaar genoegsame Atomic HT beskikbaar. Hierdie kultivar het die uiters gewilde Jardee HT vervang wat 2 jaar in ‘n ry die Swartland Canola kompetisie gewen het. Atomic HT het in die 2014 seisoen getoon dat die opbrengspotensiaal van hierdie TT- kultivar gewis in ‘n klas van sy eie is. Ook is daar ATR Gem beskikbaar wat ‘n nuwe TT kultivar is en verlede seisoen met groot sukses deur ‘n groot aantal boere in die Swartland aangeplant is. Terugvoering uit die veld toon dat opbrengste uiters bevredigend was, afgesien van die feit dat die reënval effe vroeër afgesny het. Heelwat nuwe teellyne is ook verlede jaar geïdentifiseer in Australië wat hopelik binnekort beskikbaar gaan wees. Navrae kontak Dirk Hanekom, epos: dhanekom@agricol.co.za. Sel: 083 461 6674.
ontsnap deur die blare, wat ’ n natuurlike verkoelingsproses is. In die hele proses word die plant dus doeltreffender afgekoel.
Dit is baie goedkoper om net die voedingstofoplossing af te koel pleks van die hele omgewing, wat aan regstreekse sonlig blootgestel word. Die metode het wel beperkings en daar is nog ander tegnieke wat terselfdertyd toegepas moet word om die hele proses aan te vul.
Die maatskappy Grow Machines het ’ n nuwe hidroponiese stelsel ontwikkel en dit onlangs internasionaal gepatenteer. Die stelsel is ontwikkel om sonder ’ n groeimedium te werk, wat dit nóg meer geskik maak vir woestynlande, aangesien groeimediums nie vrylik daar beskikbaar is nie. Die eerste stelsel sal binnekort in die Magaliesburg-omgewing in bedryf gestel word. Die volgende stelsels is bestem vir lande, soos Namibië en Katar.
Die stelsel werk op die voedingstoffilm-beginsel ( lees “Beter groei met filmtegniek”, LBW, 26 September 2014). Dit is ontwerp vir rankgroeiers, soos tamaties en komkommers, maar kan doeltreffend gebruik word vir die kweek van ander gewasse, soos pampoene, boontjies, spinasie en brandrissies.
Wynand Bezuidenhout is die skepper van Grow Machines se hidroponiese stelsels.