HOËDRUKSPUIT VEE

Al dip ek my beeste teen bosluise, is dit dikwels nie doeltreffend nie. Bou die beeste weerstand op teen die dipstof, of is daar iets Ek het ’n masjien gebou om beeste te dip. Ek gebruik ’n klein hoëdrukspuit (1,5 liter/minuut) wat jy sommer by ’n kettingwinkel vir sowat R700 koop. Jy stel die spuitstuk op “plat”, wat ’n breë, plat straal spuit. Spuit die bees van agter na voor, onder die haar se lê in. Dit is baie doeltreffend en benat die hare tot teen die vel. Jy dip ook die beeste baie vinniger. Ek het eers ’n rugsakspuit gebruik, wat jou die hele dag kos. Ek het later gedink die dipstof is nie meer doeltreffend nie, want die bosluise het nie juis gevrek nie. Toe kom ek agter die ou rugsakspuitjie dring nie deur die hare nie.

Toe ek die toets met ’n hoëdrukspuit doen, het die dipstof weer gewerk en het die bosluise gevrek. Daarna het ek die karretjie gebou. Ek gebruik ’n 1,5 kVa-kragopwekker (wat jy ook by ’n kettingwinkel kan koop vir sowat R2 000), want ek het nie krag by my kraal en drukgang nie.

Nou dip ons ’n klomp beeste sommer vroegoggend voor die son te warm is.

Mnr. Pieter Deacon is die bestuurder van Molatek se voerfabriek.

Die Little LogBook Go is ’n draagbare logboek waarmee outomaties aantekeninge gehou kan word van ritte of selfs afstande wat te voet afgelê word. Die weerbestande, battery-aangedrewe GPS-toestel skakel outomaties aan sodra daar beweging is en bly op bystand om batterykrag te spaar wanneer daar geen beweging is nie. Dit kan 16 uur aaneen aantekeninge hou van alle bewegings en kan ewe maklik in ’n motor of in ’n broeksak gehou word. Ritte kan verdeel word in amptelike en private ritte en volledige aantekeninge kan gehou word.