Muffins vir piekniek, pouse partytjie!

Piesang-enhawermoutmuffins sonder meel

Mense wat meel vermy, kan ook saam eet aan hierdie growwe, geurige muffins. Hawermout voorsien jou van langdurige energie en jy sal vir langer versadig voel. Sonder versiersel is dit lekker inpakkos vir skool of kantoor. En met die draaisel roomkaasversiersel bo-op gespuit is dit perfek vir teetyd.

375 ml hawermout 125 ml gemaalde amandels 5 ml koeksoda 7 ml bakpoeier 5 ml kaneel 1 ml sout 310 ml ligbruinsuiker 125 ml gekapte pekanneute 125 ml klapper 2 groot ryp piesangs, goed fyngedruk 3 eiers, geklits 250 ml olie

Roomkaasversiersel (opsioneel)

60 g sagte botter 375 ml versiersuiker, gesif 1 x 230 g ongegeurde roomkaas 5 ml vanieljegeursel Neutmuskaat, om bo-oor te sprinkel

Voorverhit die oond tot 180 ° C en voer ’ n muffinpan (met 12 holtes) met papiervormpies uit. Sit die hawermout in ’n voedselverwerker en pols tot baie f yn. Meng die f yngemaakte hawermout, gemaalde amandels, koeksoda, bakpoeier, kaneel, sout, suiker, pekanneute en klapper goed in ’n mengbak. Meng die fyngedrukte piesangs, eiers en olie in ’n ander bak. Voeg die piesangmengsel by die droë bestanddele en roer ’n paar keer tot die bestanddele net gemeng is. Verdeel die beslag tussen die 12 papiervormpies en bak vir 15-20 minute tot uitgerys en goudbruin. Laat vir ’n paar minute in die pan afkoel en pak dan op ’n draadrak om verder af te koel. Bêre in ’n lugdigte houer. As jy die muffins wil versier, berei die roomkaasversiersel: Verroom die botter en versiersuiker goed saam. Voeg die roomkaas en vanieljegeursel by en klits tot glad. Verkoel tot stewig en smeer of spuit bo- op die muffins. Sprinkel neutmuskaat bo-oor. Lewer 12 muffins.

Ontbytmuffins met spek, kaas en groenvye

Ek het die muffins in ’n reusemuffinpan gebak – dan kry jy ses baie groot muffins uit die beslag. Die beslag is genoeg vir 12 standaardgrootte muffins – heerlik vir ontbyt of vir die piekniekmandjie.

Halwe pak (125 g) spekvleis, baie fyn gesnipper 1 ui, baie fyn gekap 560 ml koekmeel 15 ml bakpoeier 3 ml koeksoda 3 ml sout 30 ml fyngekapte, vars tiemieblaartjies 2 eiers, geklits 80 ml melk 250 ml natuurlike, ongegeurde jogurt 1 wiel fetakaas, fyn gekrummel 60 ml fyngerasperde parmesaankaas 3-6 ingelegde groenvye in stroop Swartpeper om oor te maal Ekstra takkies tiemie

Voorverhit die oond tot 180 °C en smeer die holtes van ’n muffinpan goed met olie. Braai die spek en ui saam. Sif die meel, bakpoeier, koeksoda en sout saam in ’n mengbak. Voeg die tiemie by en meng deur. Klits die eiers, melk en jogurt saam in ’n ander bak. Roer die feta- en parmesaankaas by en voeg die jogurtmengsel by die droë bestanddele. Roer 

Daar’s ’n muffin vir elke geleentheid en enige tyd van die dag: Gesond sonder meel, stroopsoet en dekadent of selfs sout – propvol kaas, spekvleis en kruie.

Smeer oor die muffins, besprinkel met nog ’n paar sjokolademoutballetjies en laat staan tot die versiersel ferm is. Lewer 24 muffins.

 tot die bestanddele net gemeng is. Skep in die voorbereide pan. Sny die groenvye in skywe en sit ’n stukkie groenvy bo-op elke muffin. Drup ’n paar druppels van die stroop waarin die vye ingelê is oor elke stukkie vy. Maal swartpeper bo- oor en rond af met ’ n vars tiemietakkie of twee. Bak vir ongeveer 20 minute (vir standaardgrootte muffins) of 30 minute (vir reusemuffins) tot goudbruin en deurgaar. ( As jy onseker is, druk ’ n sosatiestokke in die middel van ’ n muffin – as dit skoon uitkom, is die muffins gaar.) Sit die muffins louwarm voor met botter en kaas.

Lewer 6 groot of 12 standaardgrootte muffins.

Muffinmanne

Ek kry baie punte by my kinders as ek vir hulle sulke muffinmanne inpak skool toe. En dis ’n slim manier om hulle speel-speel te leer om groente of droëvrugte te eet wat hulle nie sommer net so skoon sal eet nie. Ek maak ’n basiese sout muffin met volgraanmeel en kaas (waarvan die meeste kinders sal hou) en ek gebruik roomkaas om bo-op te smeer (roomkaas is dik en ferm genoeg sodat alles wat jy gebruik om die gesigte of figuurtjies te maak, daarop sal vassit). Muffinmanne is ook ideale kinderpartytjiekos waar daar gewoonlik te veel suiker op die spykaart is.

Volgraankaasmuffins

Om te versier

250 ml roomkaas, geklop tot glad Pretzels, kruie, neute, bloubessies, stukkies ■ droëvrugte en rosyntjies, kersietamaties, agurkies, wortelstokkies of ander groente of vrugte wat jy byderhand het.

■ 500 ml volgraanmeel (Nutty Wheat) 15 ml bakpoeier 2 ml sout 2 ml paprika (opsioneel) 250 ml gerasperde kaas (cheddar of Gouda) 30 ml gekapte, vars pietersielie 2 eiers, geklits 80 ml olie 250 ml melk Voorverhit die oond tot 190 ° C en voer ’ n muffinpan met 12 holtes uit met papiervormpies. Meng die meel, bakpoeier, sout en paprika saam. Voeg die kaas en pietersielie by. Meng liggies en maak ’n holte in die middel. Klits die eiers, olie en melk saam en voeg by die droë bestanddele. Roer tot net gemeng. Skep elke muffinholte driekwart vol beslag en bak vir 20 minute tot gaar. Laat op ’n draadrak afkoel tot kamertemperatuur. Bêre die muffins in ’n lugdigte houer tot jy reg is om dit te versier. Smeer elke muffin met ’n lagie roomkaas en smeer die bokant glad. Gebruik jou verbeelding om goggas, gesiggies en enige oulike figuurtjie te skep met groente, droëvrugte en kruie, of peuselkos, soos pretzels. Lewer 12 muffinmanne.

Oliebolmuffins

Dié muffins met hul kaneelsuikerjasse en maag vol konfyt is pure bederf. Ek het dit met varsgekookte appelkooskonfyt gemaak, maar ryp vye- of aarbeikonfyt sal net so lekker wees. Eet dit vars en louwarm met ’n groot pot tee daarby. Dit is net die ding om jou gesin mee te bederf op ’n naweekoggend. 500 ml bruismeel 180 ml strooisuiker 2 ml kaneel 160 ml melk 30 ml suurlemoensap 1 eier 5 ml vanieljegeursel 80 ml olie of gesmelte botter

125 ml konfyt van jou keuse 100 g botter, gesmelt 125 ml kaneelsuiker (met strooisuiker gemaak)

Voorverhit die oond tot 180 °C en voer nege holtes van ’n muffinpan uit met papiervormpies. Meng die bruismeel, suiker en kaneel in ’n mengbak. In ’n ander bak, klits die melk en suurlemoensap liggies saam. Laat staan vir ’n paar minute tot verdik. Klits die eier, vanieljegeursel en olie (of gesmelte botter) by. Voeg die melkmengsel by die droë bestanddele en roer liggies tot net gemeng. Skep ’n lepelvol beslag in elke papiervormpie. Skep ’ n lepelvol konfyt in die middel van elke lepel beslag en bedek met die res van die beslag. Bak vir 15-20 minute tot goudbruin en deurgaar. Haal uit die oond en laat effens afkoel. Trek die muffins se papiervormpie af en verf elke muffin met ’ n dun lagie gesmelte botter. Rol dadelik in kaneelsuiker en gebruik ’n lepel om kaneelsuiker oral oor die muffins te sprinkel tot elke muffin met ’n kaneelsuikerlagie bedek is. Sit louwarm voor. Lewer 9 standaardgrootte muffins.