Vriende trap 739 km vir ’n verskil T
wee vriende van hul skooldae af, Humberto Cardoso en Mauritz Walters ( albei 35), pak vanjaar die Cape Epic-fietswedren aan ten bate van die Leer & Leef- organisasie. Dié organisasie sonder winsbejag wil opvoeders in minderbevoorregte gemeenskappe toerus met vaardighede, kennis en hulpmiddels om te verseker dat Bolandse bewaarskole opvoeding van ’ n goeie gehalte aan voorskoolse kinders op die platteland bied.
“Vir hul toekoms is dit belangrik dat ’ n goeie opvoedkundige grondslag reeds van kleins af vir kinders gelê word,” sê Mauritz, ’n vrugte-en-groenteboer van die plaas Eikenhof buite Ceres en die pa van drie kleuters.
Hulle het by Humberto se vrou, Anke, ’n onderwyseres in die grondslagfase, van die Leer & Leef-organisasie gehoor.
“Ons het self kinders en my vrou leer en stimuleer hulle reeds van kleintyd af. Ek het besef hoe bevoorreg ons is om dit te kan doen en watter voordele dit vir ons kinders inhou. Ons ervaar ’n groot leemte in bewaarskole wat onderwysopleiding en stimulering be- tref. Ons wil probeer om hierdie leemte in ons onmiddellike omgewing te vul,” vertel Humberto, ’n winkeleienaar.
Sowat 1 000 kleuters in 60 bewaarskole gebruik die Leer & Leef- werkboeke, wat jaarliks aangekoop moet word. Baie ouers kan dit egter nie bekostig nie.
Humberto en Mauritz wil nou R75 000 – oftewel R100 vir elke kilometer wat hulle in die Cape Epic trap – vir die Leer & Leef-organisasie insamel. “Met die geld wil ons die werkboeke subsidieer sodat die ouers dit teen ’n goedkoper prys kan koop,” sê Mauritz.
WERKBARE LEERPROGRAMME
Die stigterslede van die Leer & Leef-organisasie, Magdél Botha en Mariet Lambrechts, het deur hul betrokkenheid by bewaarskole op plase besef die kreatiewe en geesdriftige vroue by hierdie skole het dikwels nie die nodige opleiding of materiaal nie.
Hulle het toe werkbare leerprogramme vir die opvoeders en kreatiewe werkboeke vir die leerders geskryf. “Dit is vir ons belangrik dat die kinders nie met ’n agterstand skool toe gaan nie. Hulle moet daarom die nodige stimulasie kry,” sê Magdél.
•
LINKS: ’n Boer en ’n sakeman van Ceres durf vanjaar se Cape Epic-bergfietswedren aan ten bate van die Leer & Leef-organisasie wat leerprogramme vir onderwysers van minderbevoorregte gemeenskappe skryf. Van links is Mauritz Walters, Magdél Botha, Mariet Lambrechts en Humberto Cardoso. LINKS: Plaaskinders spog met hul Leer &
werkboeke. Die boeke is onder meer op taalontwikkeling, visuele persepsie en motoriese ontwikkeling toegespits. ’n Sakeman en ’n boer van Ceres hoop om geld in te samel sodat die boeke goedkoper aan behoeftige ouers beskikbaar gestel kan word. FOTO: VERSKAF
Die moordende Absa Cape Epic-bergfietswedren is nie vir sissies nie. ’n Tweemanskap van Ceres pak dit aan ten bate van kinders se opvoeding.
LINKS: ’n Mandjie vol heerlike rape uit die groentetuin. Sommige groentegewasse lewer ’n oorvloedige opbrengs en dan verg dit slim dink om die oes op interessante maniere voor te berei.