Gooi wal teen dié swam by sojabone
DSclerotinia sclerotiurum wat wits kimmel by s oj abone veroors aak, kan maklik die helfte van die opbrengs vernietig. Dit i s moeilik om die siekte te bekamp en as ’ n boer nie voorkomend werk nie, kan geen nasorgmaatr eël s di e s i ekte bekamp nie. Wanneer die eerste simptome waargeneem word, is die koeël deur die kerk.
In die praktyk pas boere hul bestuur vir die verbouing van sojabone aan om die maksimum opbrengs te realiseer en dit is gunstig vir die ontwikkeling van witskimmel. Langdurige nat, vogtige en koel toestande (18 °C tot 24 °C) net vóór of gedurende die blomstadium, is ideaal vir besmetting. Die siekte kom ook voor waar vog weens aanhoudende besproeiing versamel.
Matige temperature saam met nat blomme en ’n nat grondoppervlak is gunstig vir die voorkoms van hierdie siekte. Sklerotiniaspore ontkiem in water op die blomblare van waar dit die res van die plant besmet. Gevolglik is dit belangrik dat besproeiing gedurende die blomtydperk van sojabone sover moontlik vermy moet word.
Om vogstremming gedurende dié tydperk te beperk, moet die grondprofiel net voor blom goed natgemaak word sodat daar genoeg vog beskikbaar is vir ten minste twee weke.
Daar is geregistreerde swamdoders vir die bestryding van sklerotinia en dit moet tydens die verskyning van die eerste blomme toegedien word. Die swamdoders moet saam met ’n groot volume water toegedien word sodat alle blompakkies goed bedek word.
SIMPTOME
Die eerste aanduidings dat sojaplante met sklerotinia besmet is, is dat dit skielik begin verwelk. Die blare en stam word ’n vaal, ligbruin kleur. Dooie plante is duidelik sigbaar tussen die gesonde plante aangesien die blare nie dadelik afval nie.
Die dooie plant is gewoonlik sigbaar vanaf twee tot drie weke nadat eerste blomme waargeneem is. Die stam van besmette plante is bedek met ’n digte wit swamgroei wat dan later ontwikkel in die harde, swart oorlewingstrukture (sclerotia) wat aan die binne en buitekant van stam en peule kan ontwikkel.
Die omvang van die skade word bepaal deur die hoeveelheid plante wat beskadig is en die tyd van besmetting. Plante wat laat in die groeityd besmet is, kan nog peule dra.
DIE SIEKTESIKLUS
Die swart sclerotia wat ’n mens sien, dien as die oorlewingstrukture van die swam. Gedurende die stroopproses word die sclerotia op die grondoppervlak versprei. As die sclerotia onder die grond ingewerk word, verleng dit die oorlewingsvermoë van die sclerotia.
Sclerotia wat boop die grond of tot ’n diepte van 5 cm onder
Een van die grootste risiko’s in besproeiing van sojabone is die voorkoms van die gevreesde siekte witskimmel. Wanneer die eerste simptome van sklerotinia waargeneem word, is die koeël deur die kerk.