Drank met rooibos en heuningbos ‘besiel’
DIE
Stellenbosse maatskappy Red Dawn Holdings IP, wat deur die wynlandgoed Audacia Wines en KWV besit word, het die gebruik van rooibos en heuningboshout in die maak van wyn, bier en sider gepatenteer. Die maatskappy het die name Rooibos Wine, Rooibos Beer en Rooibos Cider as handelsname geregistreer.
“Die patent dek die maak van alle wyn-, bier en sider-produkte met die byvoeging van rooibosen heuningbosplantmateriaal gedurende die vervaardigingsproses,” sê mnr. Trevor Strydom, Red Dawn se direkteur en baasbrein agter die patent. Dié plaaslike patentreg behoort binnekort toegeken te word, wat beteken dat geen ander Suid-Afrikaanse entiteit dié inheemse plante of hul neweprodukte in enige stadium van die produksie van alkoholiese drank volgens die gepatenteer- de proses mag gebruik nie.
’ n Paar rooibos- nuwighede is reeds aan die publiek beskikbaar om te proe. Audacia se 2013-Merlot, wat op dié manier gemaak is, is einde verlede jaar bekend gestel. Die Stellenbosse boetiek-bierbrouery Stellenbrau het pas sy Governor’s Red-lager, waarin rooibos- en heuningbos-plantmateriaal gebruik word, bekend gestel. In Elgin het Windermere Cider ook sy eerste rooibos-sider bekend gestel.
Mnr. Alan Winde, Wes-Kaapse minister van ekonomiese geleenthede en landbou, loof Strydom vir sy vernuwende denke. “In die Wes- Kaap bied die wynbedryf werk aan sowat 167 494 mense. Dié bedryf dra ook sowat R20 miljard (53%) by tot die nasionale bruto binnelandse produk. Dit is stappe soos dié wat die wynbedryf laat groei,” sê Winde.
DIE
stryd teen hondsdolheid in KwaZulu-Natal het ’n hupstoot gekry. Tagem, ’n maatskappy in dié provinsie wat oorplaatjies vir vee vervaardig, het plaatjies bewillig om inligting oor die siekte te verkry.
Me. Debbie Steiner, sakebestuurder van Tagem, sê sewe jakkalse is onlangs op ’n melkplaas by Nottinghamweg doodgeskiet. “Daar was nie ’n ander uitweg as om dié jakkalse te skiet nie. Die jakkalse het ongewone gedrag getoon deur plaashuise, omheinings en selfs mense te nader. Hulle het ’n groot gevaar vir diere en mense ingehou,” het Steiner aan Landbouweekblad gesê.
Tagem het deur een van sy spanlede, mnr. Martin Erasmus, bewus geword van die jakkalse met hondsdolheid en toe die oorplaatjies gratis beskikbaar gestel. Die oorplaatjies help om inligting vas te lê wanneer die jakkalse geskiet word. Die dooie diere kry elk ’n oorplaatjie waarop die GPS-koordinate en ander bruikbare inligting, soos die omstandighede en selfs die gedrag van die dier, aangebring word. Die oorskot van die diere word na die veeartsenylaboratorium Allerton op Pietermaritzburg gestuur vir verdere ondersoek. “Só kan Allerton die verspreiding van die siekte volg en hopelik verdere verspreiding keer,” het Steiner gesê.
Die oorplaatjies wat bewillig is, het nie aan die gehalte-standaarde van Tagem voldoen nie, maar is ’n uitstekende hulpmiddel vir die betrokke doel. Indien boere die oorplaatjies wil gebruik om hondsdol diere te merk en die oorskot aan Allerton te stuur, kan hulle Steiner laat weet. Haar e-pos is debbie. steiner@ramsay.co.za.