WIPPLANKRYERY OOR ONSEKERHEID
DIE
Oesskattingskomitee sou op 26 Februarie (voor spertyd) sy eerste skatting vir vanjaar bekend maak. ’n Lae oesskatting kan dui op ’n tekort aan mielies vir binnelandse gebruik en dit sal beteken dat Suid-Afrika mielies sal moet invoer. Die droogte het in die sewe dae tot 23 Februarie voortgeduur. ’n Groot deel van die land se mielies het skade opgedoen. BVG het verwag die oes gaan nie groter as 9 miljoen ton wees nie.
Al die bespiegeling oor die grootte van die oes lei tot groot onsekerheid in die mark en dra ook by tot die wisselvalligheid in die mielieprys. Die meeste mielies is reeds verby saadbestui- wing en is in die pitvormingstadium. In dié st adium het die mielies heelwat vog nodig en as gevolg van die droogte gaan pitvorming swak wees. Dit gaan lei tot swakker opbrengste.
Die nat voorseisoen het in sekere gebiede daartoe gelei dat mielies op die oog af goed lyk, maar die midsomerdroogte het veroorsaak dat die mooi mielies se kopvorming baie swak was.
Nat weer het teen 23 Februarie oor ’n deel van die mieliegebied beweeg en sommige plekke het goeie reën gehad.
BVG meen egter dat die reën te laat is vir sommige boere in die westelike deel se oes. In die komende week lyk die kans be-
Skryf in vir BVG en verskans. Dis gratis en baie leersaam. Besoek om in te skryf.
ter vir reën.
Die invoerpariteitsprys van geel mielies (Pietermaritzburg) is volgens BVG se berekeninge in die omgewing van R2 600/ton.
Geel mielies was teen 23 Februarie goedkoper.
Die oordragvoorraad van wit mielies gaan na verwagtinge laag wees. Dit behoort daartoe te lei dat wit mielies teen duurder as geel mielies sal verhandel. Wit mielies kos nou R289/ton meer as geel mielies.
Internasionaal: Die gemiddelde prys van mielies het met 0,2%, oftewel $0,28/t (R3,26/t), gestyg tot $152,51/t (R1 776/t). Op ’n jaargrondslag is dit 13,9%, oftewel $24,57/t (R286,19/t), laer. Plaaslik: Die Safex-prys vir wit mielies het met 2,1%, oftewel R58/t, gedaal tot R2 695/t. Geel mielies het met 1,2%, oftewel R28/t, gestyg tot R2 408/t. Op ’n jaargrondslag is dit 15,3%, oftewel R487/t, laer vir wit mielies, terwyl geel mielies 27,6%, oftewel R917/t, laer is as in die ooreenstemmende tyd verlede jaar. Die Safex-prys vir sonneblomsaad het met 1%, oftewel R54/t, gestyg tot R5 245/t. Op ’n jaargrondslag is dit 8,5%, oftewel R485/t, laer. Die internasionale prys van sonneblomsaad het teen $440/t (R5 125/t) onveranderd verhandel. Op ’n jaargrondslag is dit 10,8%, oftewel $53/t (R617,34/t), laer. Die internasionale prys van vismeel het met 1,2%, oftewel $20/t (R232,96/t), gedaal tot $1 700/t (R19 802/t). Op ’n jaargrondslag is dit 5,6%, oftewel $90/t (R1 048,32/t), hoër. Die internasionale prys van grondbone het teen $1 350/t (R15 725/t) onveranderd verhandel. Op ’n jaargrondslag is dit 2,3%, oftewel $30/t (R349,44/t), laer. Internasionaal: Die gemiddelde prys van sojabone het met 2,4%, oftewel $8,66/t (R100,87/t), gestyg tot $367,42/t (R4 280/t). Op ’n jaargrondslag is dit 25,9%, oftewel $128,47/t (R1 496/t), laer. Plaaslik: Die Safex-prys vir sojabone het met 0,9%, oftewel R45/t, gedaal tot R5 205/t. Op ’n jaargrondslag is dit 20,7%, oftewel R1 355/t, laer. Die verslae van prysneigings is van Agrimark Tendense (AMT) ontvang. Let daarop dat 20/2/2015 se vleispryse voorlopig is. As besturende direkteur van Aginfo, handeldrywend as AMT, koördineer prof.