VLEISBEMARKING
Al hoe meer boere en ondernemings is optimisties oor die beweging om Karoolam te beskerm en te bevorder. Nóg boere behoort egter druk op ondernemings en slagplase te plaas om dié produk as eiesoortig te bemark.
Prof. Johann Kirsten skryf ’n reeks van vier artikels oor die jongste stand van sake met die projek om Karoolam te beskerm. Lees die eerste een op
Waar daar in November 2011 ’ n skamele 20 gesertifiseerde Karoolammers per week verhandel is, word daar deesdae 300 tot 500 per week verhandel. In Oktober 2013 was daar ’ n hoogtepunt van sowat 2 500 per week.
Karooboere wat tot dusver aan die skema vir gesertifiseerde Karoolam deelgeneem het, het al meer as anderhalf miljoen rand se pryspremies verdien. Dit is ’ n klein, maar stewige begin in die proses om uiteindelik ál die lammers wat vrylopend op Karoobossieveld geproduseer word, hul “Karoopaspoort” te gee en daardeur vir Karooboere ’n ekstra ekonomiese voordeel te bring. Dit behoort ook die gemeenskappe en dorpe in die Karoo meer ekonomies volhoubaar te maak.
Dit is tog jammer dat die groot kettingwinkelgroepe steeds half “skaam” is om te erken hulle hou Karoolam aan. Dit is algemeen bekend dat Woolworths, Pick n Pay en Checkers gesamentlik in die orde van 9 000 lammers per week uit die Karoostreke kry. Waarom hulle nie wil erken dat hul vrylopende ( free range) lam uit die Karoo kom nie, sal net die tyd leer. Dit is byna asof hulle nie die kommersiële waarde van Karoolam besef nie, of anders is dit ’n manier om goeie lam teen kommoditeitspryse te kry en as ’n nisproduk op die winkelrak aan te bied. Dit is soortgelyk aan die probleem van Wes-Kaapse koringboere wat koring van hoë gehalte lewer, maar die prys ontvang wat swakker, ingevoerde koring verdien.
In Frankryk is die kleinhandelaars tog te trots om die “ware Jakob”, byvoorbeeld Champagne, Parmagiano Regiano, Agneau du Limousine of Boeuf de Camargue, teen goeie pryse en met ’ n skitterende aanbiedingstyl aan verbruikers te bied. Waarom dan nie ook in Suid- Afrika nie? Die land het tog sy eie ikoniese produkte.
Karooboere behoort meer druk op hul landboubesighede en slagplase te plaas om hul produk met sy welbekende identiteit as
LINKS: As ’n boer kan bewys sy plaas lê in die Karoo en het geen voerkraal of grootskaalse aangeplante weidings nie, kom hy of sy in aanmerking om gesertifiseer te word as Karoo.
’n spesiale en unieke produk te bemark. Dit gaan die slagplaas niks ekstra kos nie; almal het reeds rollermerke en sertifiseringstempels gratis ontvang om lammers as Karoolam te bemark.
NEEM MAKLIKER DEEL
Sedert die begin van die sertifiseringskema is die standaarde en aansoekprosedures aansienlik aangepas om die proses meer vaartbelyn te maak en te sorg dat dit meer ooreenstem met die huidige praktyke in die handel.
Boere, slagplase en kleinhandelaars gaan reeds heelwat koste aan om vryloop-oudits te laat doen. Daarom het die Karooontwikkelingstigting ( KDF) ’ n manier bewerkstellig waarvolgens dit moontlik is vir boere wat reeds sulke oudits geslaag het om redelik maklik vir toetrede in aanmerking te kom. Hulle moet kan bewys dat hul plaas in die Karoo lê en geen voerkraal of grootskaalse aangeplante weidings het nie.
Met die beskikbaarstelling van die nuwe rollermerk aan ál die deelnemende slagplase is dit nou ook makliker vir kleiner slaghuise om Karoolamkarkasse aan te koop, dit binne die slaghuis op te sny en aan kliënte beskikbaar te stel.
Dit is dus nie meer nodig om ’n formele naspeurbaarheidstelsel en sagteware te hê nie. Al wat nodig is, is die dokumentasie om te bewys dat gerolmerkte en gestempelde karkasse van gesertifiseerde slagplase aangekoop is en dat die hoeveelheid wat onder die Karoolam-naam verkoop is, ooreenstem met die hoeveelheid wat aangekoop is.
Dit is ook nou vir groot kettingwinkels moontlik om hul bestaande vryloop- protokolle aan die KDF, die SA Vleisbedryfsmaatskappy (Samic) en die Departement van Landbou, Bosbou en Visserye voor te lê sodat hulle goedkeuring kan ontvang om binne hul bestaande protokolle Karoolam te kan bemark. Hulle moet net aan seker reëls van die Karoo- oorsprong- inisiatief voldoen. So, byvoorbeeld, kan huidige handelsmerke, soos Woolworths Free Range Lamb en Checkers Certified Natural Lamb, saam loop met die sertifiseringsmerk Certified Karoo Meat of Origin vir daardie lammers wat by goedgekeurde plase gewerf en by geregistreerde slagplase geslag is.
ELKE PAKKIE VLEIS NASPEURBAAR
Een van die beste aspekte van die sertifiseringskema is die