16 JAAR GELEDE

Uit: Landbouweekblad, 13 Augustus en 10 September 1999

STAMBOEK ONDER SKOOT

Is die SA Stamboek en Veeverbeteringsvereniging te baasspelerig, is sy registrasiekoste vir stoetvee te hoog en moet elke stoetveetelersgenootskap daarom liefs ingevolge die nuwe Wet op Diereverbetering (Wet 62 van 1998) self ’n registrasie-owerheid word?

Dié vraag het ’n herrie veroorsaak nadat prof. Philip Morgan, afgetrede veekundige en boer van Dewetsdorp, in die artikel “SA Stamboek maak registrasie goedkoper”( LBW, 13 Augustus 1999) gewaarsku het telersgenootskappe moet hul somme deeglik maak voordat hulle ’n finale besluit neem.

Die raad van SA Holstein het in sy reaksie gesê SA Stamboek tree op asof hy in mededinging met die telersgenootskappe is, vir eie gewin werk en die genootskappe ondermyn.

Dié herrie was kort nadat dr. Pierre van Rooyen, hoofbestuurder van SA Stamboek in Bloemfontein, die pos sowat 17 jaar gelede aanvaar het. Die bygaande spotprent het na aanleiding van die geskil in LBW van 17 September 1999 verskyn.

Die spotprent is nou weer van toepassing met die geskiedenis wat homself herhaal met die stryd tussen die Landbounavorsingsraad (LNR) en SA Stamboek (lees die LNR se advertensie in LBW, 6 Maart, bl. 54, en die nuusberig elders in hierdie uitgawe).

Die Regering kan waterpyplyne aanlê na droë gebiede in belang van voedselsekerheid. Die Regering kan grondbelasting op landbougrond laat vaar omdat boerdery risiko’s inhou. Die Regering kan boere meer militêr ondersteun as om misdadigers te beskerm. Maar wat ook al ’n boer of Jan Publiek wil hoor, sal nooit gebeur met ’n korrupte Regering nie.