TARIEWE BESKERM TEEN EU-STORTING
DIE j ongste t eenstortingst ariewe op hoenderprodukte uit drie Europese lande wys dat die Kommissie vir Internasionale Handels administrasie ( I t ac) saamstem dat storting en skade plaasgevind het. Só sê mnr. Kevin Lovell, uitvoerende hoof van die Suid- Afrikaanse Pluimveevereniging (SAPV.
“Ons is nie gelukkig met die vlakke van die tariewe wat ingestel is nie, maar gaan nog deur Itac se verslag werk om te sien hoe hulle dit bepaal het.” Dr. Rob Davies, Minister van Handel en Nywerheid, het teenstortingstariewe van 3,86% tot 73,33% op bevrore hoenderstukke met die been in uit Nederland, Duitsland en Brittanje goedgekeur. Dit geld vir vyf jaar vanaf 27 Februarie.
SKADE
Itac sê sulke tariewe kan ingestel word wanneer storting en gevolglike wesenlike skade aan die bedryf bewys kan word, wat strook met ’n ooreenkoms van die Wêreldhandelsorganisasie. Itac het bevind die skade weens storting was in die vorm van prysonderdrukking, prysonderbieding (wanneer pryse doelbewus laer as dié van mededingers is), daling in wins, afname in die opbrengs op belegging, nadelige invloed op kapasiteitsbesetting en ’n nadelige invloed op netto kontantvloei.
KORT ‘SOMER’
Lovell sê die tariewe kan tot ’n styging in pryse lei, maar ’n blink jaar wag nie noodwendig op produsente nie. Hoewel produsentepryse sedert Desember redelik goed is, gaan voer weens die hoër mielieprys duurder word.
“Dit het vir ’n paar maande beter gegaan met die bedryf, maar dit was ’n spreekwoordelik kort somer en die winter is amper weer terug.”
In goeie jare is pluimveeboere se netto marge volgens hom 5% tot 7% en in slegte jare selfs negatief. – CARIEN KRUGER