BEHANDEL SAAD SÓ EN STUIT TAMATIEVIRUS
Israeliese navorsers kon deur ’n eenvoudige saadbehandeling daarin slaag om die verwoestende geelkrulblaarvirus by tamaties in sy spore te stuit. Die geelkrulblaarvirus (TYLCV) veroorsaak groot verliese veral in subtropiese lande in Afrika, Suidoos- Asië, die Mediterreense kom en Mexiko en kan selfs ’n oes in sy geheel uitwis.
“Ons het die virus onskadelik gemaak deur 4 van die virus se 6 gene en 60 nukleotiede uit sy sekwens te verwyder,” sê prof. Haim Rabinowitz van die bekende Hebreeuse Universiteit van Jerusalem se Robert H. Smith fakulteit vir landbou, voedsel en omgewing.
Die nuwe vreemde gene word dan aan kommersiële tamatiekultivars oorgedra: Nie deur genetiese manipulering nie, maar deur dit te deurdrenk in ’n waterige oplossing waarin die vreemde gene voorkom. Sodoende word die DNS aan die saadembrio’s oorgedra.
“Daar is geen kans dat die virus die plante kan beskadig nie. Ons het bewys die vreemde gene word nie ’ n belangrike deel van die genoom nie en dit word ook nie na die volgende geslag oorgedra nie. Elke lotjie saad moet dus afsonderlik behandel word.”
Eksperimente toon dié eenvoudige tegniek werk vir ’n hele aantal gewasse, soos uie, mielies en spanspekke. Rabinowitz sê in Israel is alle kweekhuise met insekbestande net LINKS: ’n Tamatieplant wat met die tamatie-geelkrulblaarvirus besmet is (links) langs ’n plant wat weerstand bied teen dié gewraakte virus. Israeliese navorsers het ’n deurbraak gemaak om plante deur saadbehandeling teen die siekte bestand te maak, pleks van deur genetiese manipulering. FOTO: ERNEST HIEBERT
LINKS BO: Prof. Haim Rabinowitz verduidelik hoe hulle dit regkry om die gevreesde tamatie-geelkrulblaarvirus lam te lê en dan die verswakte gene met saadbehandeling na kommersiële kultivars oor te dra.
Staatsbesteding bly oor die afgelope twee dekades vinniger styg as inflasie. Die staat haal elke jaar meer geld uit produktiewe mense se sakke en wend dit dan ondoeltreffend aan. Dit is kommerwekkend dat bykomende belasting op byvoorbeeld brandstof en elektrisiteit gehef word.