‘Optelgoed is nie weggooigoed’

Anders as met vele SEB-projekte wat met ’n groot trompetgeskal gepaardgaan, was die oorhandiging van 250 Angora- ooitjies aan die Miners- egpaar van Weltevrede by Kookhuis ’n beskeie geleentheid. Van die media was dit net Landbouweekblad en ’ n TV- span wat die vreugde van mnr. Simon Miners ( 61) en sy vrou, Katie, gade geslaan het toe die Sybokhaar- bemagtigingstrust die ooitjies ter waarde van meer as R200 000 aan hulle oorhandig het.

Simon en sy gesin, wat reeds sowat 400 Angoras en nagenoeg 40 Bonsmaras besit, boer sedert 2013 op die plaas van 700 hektaar wat aan die Departement van Landelike Ontwikkeling behoort.

Hy het aanvanklik net ’n vyfjaarhuurkontrak met die departement gesluit, maar is die versekering gegee dat as hy sy kant bring en suksesvol is, die huurooreenkoms tot 30 jaar verleng sal word.

Weltevrede, wat 75 ha grond met waterregte het, is ’n paar jaar gelede teen sowat R8 miljoen met die oog op suikerbeetproduksie in die Visriviervallei aangekoop. Van dié reuseprojek het daar tot nou toe dadels gekom.

Dit lyk of die Regering besef dat ’ n besproeiingsplaas soos dié nie net braak kan lê nie. Daarom het hy ook vir Simon met toerusting, saad en kunsmis gehelp sodat hy vanjaar 44 ha mielies onder treklynbesproeiing kon vestig. Mnr. Bongani Ndhlovu, ontwikkelingsbeampte van die Sybokhaar-bemagtigingstrust, sê daar is besluit om ’ n nuwe rigting in te slaan om opkomende sybokhaarboere te bemagtig.

“Dit is in baie opsigte uniek. Ons identifiseer met die samewerking van die Oos-Kaapse departement van landbou en landelike ontwikkeling individuele, swart boere wat reeds hul eie grond besit of huur en die potensiaal het om suksesvol met Angoras te boer. Ons help hulle met die voorsiening van goeie teelmateriaal waarmee hulle op volhoubare wyse sybokhaar kan lewer. Die mikpunt is dat suksesvolle, opkomende boere en kommersiële boere langs mekaar as goeie bure kan woon en werk.”

Bongani verduidelik Simon, wat eers ’ n plaaswerker was, het getoon dat hy die potensiaal het om op groot skaal met Angoras te boer. “Met sy praktiese boerdery-ervaring, liefde vir boerdery en passie weet ek hy gaan ’n groot sukses daarvan maak.”

Bongani sê die trust verskaf die Angoras rentevry aan Simon. “Hy kan die aanteel vir homself hou, maar moet binne vyf jaar of selfs binne ’n korter tyd die kosprys van die bokke wat oorhandig is, aan ons terugbetaal. ’n Persentasie van sy skeerselinkomste sal as afbetaling teruggehou word. Ons sal Simon met kundigheid bystaan. ’n Ooreenkoms is ook met die Departement van Landelike Ontwikkeling en Grondsake aangegaan om, waar

As deel van ’n boerderyprojek het die Sybokhaarbemagtigingstrust onlangs die eerste van 1 000 Angoraooie wat jaarliks vir opkomende produsente bestem is, aan ’n boer by Kookhuis oorhandig. Daar is egter ’n voorwaarde: Die rentevrye lening in die vorm van teelmateriaal moet binne vyf jaar terugbetaal word.

NAVRAE: Mnr. Bongani Ndhlovu, sel tel. 041 487 1386; e-pos: