Beskuit en besigheid in haar bloed D
ie verskil tussen sukses en mislukking is die geesdrif wat jy daarin ploeg, vertel me. Maggie Steyn, die vrou agter Maggie se Spens wat watertandlekker beskuit bak wat op talle Wes- Kaapse winkelrakke pryk. “Ek droom groot en is so gelukkig met wat ek sover bereik het. Beskuitbak is my passie.
“Ek dink dit was alles die moeite werd om klein te begin. Ek het my onderneming begin met een Defy-oond in my plaaskombuis en R262 in my sak waarmee ek meel en twee klein pannetjies gekoop het.”
Die onderneming het só gegroei dat sy nou aan meer as 70 winkels beskuit lewer. “’n Mens moet vreesloos in die sakewêreld wees. Harde werk is altyd die moeite werd.”
Maggie, wat op die plaas Soutfontein tussen Malmesbury en Moorreesburg woon, het self haar beskuitresepte ontwikkel en vervolmaak en in 2000 vir mense op die dorp begin bak. Kort daarna het ’ n winkel, Die Kontreispens, op Malmesbury ook bestel.
In 2004 het sy haar produkte by die plaaslike wynfees uitgestal. “Twee vroue moes my twee baba’s in stootwaentjies rondstoot terwyl ek my produkte verkoop!”
Maar dit was die moeite werd, want die eienaars van die dorp se Superspar en Pick ’n Pay was ook by die fees en het haar gevra om vir die winkels beskuit te lewer. Dit was die begin van baie lang ure en laat nagte in die kombuis.
“Ek moes elke uur met my Defy-oond bak, twee panne op ’n slag. Soos die beskuit uitkom, moes ek sny en dan in die aand droog en verpak. Terwyl my kinders snags slaap, het ek gewerk. En wanneer ek soggens die kinders speelskool toe neem, het ek my beskuit afgelaai. Later, toe die winkels vermeerder het, het ek koerierdienste begin gebruik.”
Sy maak karringmelk-, bros volgraan- en semelbeskuit. In 2010 het haar resep tweede gekom in die tydskrif Fair Lady se beskuitbakkompetisie. “My kinders dink my beskuit is die heel lekkerste wat daar is, en wil my eendag as hulle groot is daarmee help.”
SKULD AFBETAAL
Maggie het vanaf 2003 in ’n buitegebou op die plaas gebak. Sy het nog ’ n Defy- oond (tweedehands) en ’n menger aangeskaf.
In 2009 het sy geld by die bank geleen om die gebou in ’ n beskuitfabriek te verander volgens Pick n Pay en Spar se standaarde vir ’n bakkery. “Ek het net twee plastiektafels, twee oonde, vier panne en ’n menger gehad – en die groot gebou wat ek moes afbetaal. Ek het tot baie laat gebak en moes saans weer na die fabriek stap om die oonde af te sit.”
Later het nog ’n groot tweedehandse oond en 18 panne gevolg. “Ek moes nog geld leen, maar teen 2012 was my oonde en die fabriek afbetaal. Ek het elke sent van my wins teruggeploeg. Ek spaar reeds vir my derde groot oond en sal graag landwyd wil verkoop, selfs oorsee. Daar is reeds buitelandse belangstelling.”
Met net R262 en drie klante het dié boervrou veertien jaar gelede haar beskuitonderneming in haar plaaskombuis begin. Vandag staan daar ’n volwaardige fabriek op die plaas en sy lewer aan meer as 70 winkels regoor die Wes-Kaap. Die buitelandse mark wink ook. ‘Ek moes elke uur met my Defy-oond bak, twee panne op ’n slag.’
Pick n Pay se werksessie en ekspo vir klein ondernemings gedoen om my te bemagtig.”
WERKSKEPPING EN BEMARKING
Maggie sorg dat haar fabriek se administrasie, higiëne, personeelopleiding en geskiktheid as voedselperseel stiptelik in stand gehou word. Die fabriek word jaarliks geoudit.
Sy neem vier vrouens van die omgewing heeltyds in diens. “Ons werk goed saam en het gereeld indiensopleiding. Ek is die bakker en hulle help my sny, droog en verpak. Hulle sorg ook dat die fabriek elke dag skoon is. Hulle geniet hul werk. Ter aanmoediging koop ek elke keer as die vragmotor hier was vir hulle ’n koek.”
Sy doen haar eie bemarking – van winkel tot winkel. “Al die Pick n Pay winkels in die Wes- Kaap koop my beskuit, asook sekere takke van Spar, Checkers, OK, Saverite en Shoprite. Deesdae lewer ek regstreeks in ’n groot Pick n Pay-vragmotor in die hele WesKaap af.”