Vinniger, akkurater strooier is eersteklas
Di e nuwe, verbeterde weergawe van Radium se reeds bewese reeks strooiers is gemik op die vinnige, akkurate toediening van organiese misstowwe, soos hoendermis of kompos, kalk en kunsmis.
Radium is ’ n bekende naam in die landbou met betroubare, plaaslik vervaardigde werktuie, waens en landboutoerusting wat al dekades lank aan boere gelewer word. Trouens, die derde generasie van die Roest-familie, Gareth en Grant, is tans saam met hul pa, Mike, aan die stuur van sake by Radium.
“Met die bekendstelling van die derde generasie van ons strooiers het ons ’n hele aantal verbeterings aangebring,” sê Grant.
Die verbeterde ontwerp gee meer aandag aan vinniger en akkurater toediening, maar ook makliker hantering en versoenbaarheid met moderne tegnologie.
En “vinnig” beteken dit dien tot 5 ton per hektaar toe teen 30 km/h.
“Ons strooiers het die vermoë om vinniger te werk as wat die tipiese trekker die wa sal kan sleep. Dit is goeie nuus vir boere wat dié nuwe modelle wil aanskaf sonder vrees dat dit nie sal kan byhou met kragtiger trekkers nie. Tans is ons strooiers aan die voorpunt wat tegnologie en werkverrigtingtempo betref.”
Een van die faktore wat die vinniger sleepspoed moontlik maak, is ’n verbeterde veringstelsel. Die sleepstang van die ProSpread se topmodelle (310, 312, 315, 320 en BulkSpread 313) is geveer en kan daarom vinniger, maar steeds veilig, oor lande ry.
Volgens Grant is die nuwe ontwerp nie net prakties nie, maar ook mooi om na te kyk. “Die strooiers is ergonomies ontwerp, funksioneel en behou steeds die werkverrigting van ’ n swaardiensmasjien. Ons het ook aandag geskenk aan ’n meer estetiese ontwerp en afwerking wat die trots van enige landbouer sal wees.
“Danksy die opgradering van die hidrouliese stelsel, wielstelsel, vering en moniteringstegnologie kan ons met vertroue sê dat dit van die beste op die mark is teen ’ n baie mededingende prys,” sê Grant.
Aangesien Radium reeds sedert 1994 strooiers vervaardig, kom hierdie nuwe reeks met jare se ondervinding van wat die landbou nodig het. In die
LIZA BOHLMANN
reeks strooiers is daar gevolglik ’n bielie met ’n kapasiteit van 20 ton en al die bykomstighede wat bemesting vergemaklik. Met 16 verskillende elektronies beheerde verspreidingverstellings is die topmodelle gerig op akkurate, kostedoeltreffende bemesting.
Met die opgradering van Radium se reeks strooiers kan boere nou ook inskakel by hul moderne trekkers se rekenaartegnologie. Die ProSpread 315 en ProSpread 320 kom standaard met Isobus- versoenbaarheid, twee kameras en beligting wat werk snags en soggens vroeg moontlik maak. Dié opsie om ook in swak lig of in donkerte te werk, is veral vir kontrakteurs van besondere waarde. ’n Stuuras met sy eie remstelsel is ook standaard. Dit bied beter beheer en draaivermoë in die dubbelas-modelle.
Die elektroniese skakeling tussen die strooier en die trekker se rekenaar vergemaklik akkuraatheid en die kameras laat die bestuurder toe om van bo binne-in die bak te kyk en ook om dinge agter die strooier dop te hou. Die kamera aan die stertkant van die wa is ook nuttig wanneer in trurat bestuur word.
Ander bykomende opgraderings (op sekere modelle) sluit in ’n leer vir maklike inspeksie, en netjiese kabinette aan die sykante om alle hidrouliese pype en kleppe te verberg en te beskerm. ’ n Skerm keer enige klippe en klonte wat groter as 6,5 cm is af en beskerm só die werkende dele van die strooier.
Die nuwe generasie strooiers is in verskillende groottes en prysklasse beskikbaar.
Tyd is geld en die nuwe reeks strooiers van Radium Engineering bespaar jou beslis tyd, terwyl produktiwiteit toeneem.
v
b
v