Nedbank belê groot in groen energie
Nedbank i s om meer as een rede bekend as die groen bank. Hy is bekend vir die finansiering van volhoubare ondernemings i n hernieubare energie, infrastruktuur en die landbou. Die bank het pas ’n vernuwende finansieringsproduk bekend gestel wat ontwerp is om boere landwyd te help om hernieubare energie- en energiedoeltreffende projekte in hul landbou-ondernemings deur te voer.
Die stygende koste van elektrisiteit, ’n tekort aan elektrisiteit en ’ n gebrek aan bystandkrag gedurende beurtkrag neem ’ n hap uit boere se winsmarge en bedreig selfs die oorlewing van sommige sektore van die landboubedryf. Vergeleke met ander tipes energie bied sonkrag vir 25 jaar betroubare energie sonder uitgawes aan instandhouding.
Nedbank se Commercial Off- Grid Energy Financing Offering word reeds intensief aan bestaande kliënte bemark. Dit is pasgemaak vir bestaande en nuwe kliënte wat hul werksaamhede graag wil vergroen, eerder die koste van ’n jaarlikse verho- ging van 12% tot 14% in die prys van elektrisiteit in hul eie bankrekening wil sien en onafhanklik van die nasionale raamwerk wil funksioneer.
Die oogmerk met hierdie produk is om terugbetalingsvoorwaardes so ver as moontlik in pas te bring met elektrisiteitskoste op mediumtermyn.
STRATEGIESE VENNOOTSKAPPE
“Deur strategiese vennootskappe te vorm met sleutelbelanghebbendes in die landboubedryf het ons ’ n diepe begrip verkry van die probleme waarvoor boere te staan kom met die toepassing van meer volhoubare praktyke op hul plase,” sê mnr. Mark Boshoff, hoof van strategiese inisiatiewe by Nedbank se besigheidsbankdienste.
Deur kredietwaardige kliënte in die landboubedryf langer terugbetalingstydperke te bied, bied die leningsproduk ook ’ n 7%- rabat op die lening via Nedbank se vennootskap met die Franse Ontwikkelingsagentskap (FDA), onderhewig aan beskikbaarheid.
“Deur ’n hefboomverhouding met die NBI kan ons ook ons kliënte gratis toegang bied tot die nuwe energiedoeltreffendheids- program vir die private sektor.
“Dit beteken kliënte met klein ondernemings kan hulptoonbankdienste, werksessies en publikasies gratis ontvang, mediumgrootte ondernemings kan ten volle gefinansierde, vierdaagse energie-opnames en opvolgdiens ontvang en vir groot landbou-ondernemings kan konsultasies oor verminderde energieverbruik oor ’ n tydperk van agt maande met tot 60% gesubsidieer word,” sê Boshoff.
Hy voeg by dat kliënte wat die bank nader vir die finansiering van energiedoeltreffende masjinerie en toerusting en wat verifieerbare energiebesparing van meer as 15% kan toon, kom ook in aanmerking vir ’n 7%-rabat.
“Kliënte wat tot dusver hierdie opwindende reis saam met ons onderneem, sluit in landbouondernemings wat hernieubare energietoepassings installeer om hul koolstofspoor te verminder, sowel as kliënte wat hul werksaamhede heeltemal van die elektrisiteitsnetwerk af wil bedryf, asook kleiner ondernemings waarvan die volhoubaarheid in gevaar is weens beurtkrag,” sê Boshoff.
“Dit het die landbouspesialiste in ons streeksbesigheidsbankspanne in staat gestel om dit makliker te maak vir kliënte om met ons sake te doen, deur hulle te ondersteun met toekomsvriendelike finansiering wat hul sikliese finansiële vereistes in ag neem, sowel as die klimaat se uitwerking op oeste en veranderende kommoditeitspryse.”
Nedbank bied aan Suid-Afrikaanse boere finansiële aansporing om na sonkrag en alternatiewe energiebronne oor te skakel.
zabeth gestig het. General Tyre Suid-Afrika was deel van General Tire se onstuitbare internasionale groei, wat met belangrike tegnologiese deurbrake en ontwikkelinge gepaardgegaan het.
Die belange van die General-maatskappygroep het voortdurend uitgekring.
Die bande-afdeling is in 1987 aan die vooraanstaande Duitse bandevervaardiger Continental verkoop.
Op plaaslike bodem het General Tyre SA in 1978 ’n tegniese diensooreenkoms met Continental gesluit, wat die maatskappy in staat gestel het om gevorderde straallaag-motorbande te vervaardig.
Sewe jaar later het die General- fabriek goedkeuring verkry om Continental-bande plaaslik in lisensie te vervaardig. Die bande se gewildheid het vinnig toegeneem en dit is gou vir gebruik as oorspronklike toerusting goedgekeur.
Die band tussen die plaaslike General-fabriek en Continental het in 1998 verder verstewig toe die Duitse maatskappy ’ n aandeel van 60% in General Tyre SA bekom het. Die maatskappy staan sedertdien as Continental Tyre SA bekend.
Vandag is Continental Tyre SA ’ n volfiliaal van die Continental AG-moedermaatskappy. Hy vervaardig ’n volledige reeks gevorderde bande vir motors, bakkies en vragmotors onder die General-handelsmerk.
Daarbenewens voer die maatskappy General se uitgebreide reeks spesialisbande vir die landbousektor in, wat bande vir trekkers, oesmasjiene en besproeiingstelsels insluit.
Honderd jaar nadat O’Neill en Fouse hul nuwe bandefabriek op ’ n fondament van gehalte gestig het, is General steeds bekend as een van die wêreld se voorste buitebandhandelsmerke. Van motors en bakkies tot vragmotors en trekkers – General-bande laat gehalte geld.