Alternatiewe benadering tot betalings

Met planttyd en oestyd kom die groot mas j i e n e u i t d i e skuur en dan is dit belangrik om die beste drywers agter die stuur in te span. Kontantlone vir dié spesialiswerkers en ook jou ander arbeiders is nou soveel makliker en veiliger met ’n nuwe betaalmetode van Cash Cloud.

“Cash Cloud is nie ’ n nuwe konsep nie, maar dit is wel ’ n nuwe produk in Suid-Afrika,” sê me. Maya Whitehead, uitvoerende hoof van Cash Cloud.

“Ek is oorspronklik van Bulgarye af en het al in 26 verskillende lande gewoon. Toe ek in Suid- Afrika gekom het, het ek gesukkel om ’n bankrekening vir myself oop te maak omdat ek nie ’n bewys van my woonadres of ’n Suid-Afrikaanse ID-dokument kon toon nie.

“Ek het toe besef dat dit nie net ’n probleem vir buitelanders is nie, maar ook vir talle plaaslike inwoners, soos plaaswerkers.”

Cash Cloud bied aan boere en ander sakelui die geleentheid om hul werknemers elektronies te betaal. Dan hoef hulle nie aan die einde van elke maand met ’n klomp kontant rond te ry nie.

Hierdie kaart is ook geskik as jy ’n buitelandse werker het wat nie maklik ’n bankrekening kan oopmaak nie. Dit is ’n goedkoop en veilige manier vir hulle om geld aan hul familielede oor te dra, sonder hoë bankkoste.

Cash Cloud is ’ n Visa- kaart wat deur FNB ondersteun word. Die kaart skakel die gevare van tjekbedrog uit. Dit spaar ook baie tyd omdat enige betalings via die internet gedoen kan word.

Dit gebeur soms dat iemand wat vir jou werk nie ’n ID-dokument of bewys van sy woonadres het nie. In sulke gevalle aanvaar Cash Cloud wel ’n rybewys, paspoort of vlugtelingpapiere om die rekening oop te maak.

“Cash Cloud bied ’n voorafbetaalde debietkaart wat aan die minimum-vereistes van die Wet op die Finansiële Intelligensiesentrum, Wet 38 van 2001, voldoen. Die rede hoekom daar minimum- vereistes is, is dat die balans op ons kaart nooit R25 000 mag oorskry nie,” sê mnr. Jaques Smith, sake-ontwikkelingsbestuurder.

“Ons vereis slegs ’ n foto en ID-dokument of paspoort sodat kliënte geïdentifiseer kan word.”

Die werknemer of gebruiker van die kaart kan dit by enige winkel gebruik om kos, lugtyd of voorafbetaalde elektrisiteit te koop en kontantonttrekkings is gratis. Daar is ook geen minimum-balans wat in die rekening moet bly nie. Jy het dus die hele tyd toegang tot ál jou geld.

Die produk is sedert 2012 beskikbaar, maar weens administratiewe redes het dit nie dadelik gewerk nie. Teen verlede jaar is die haakplekke uitgestryk en het Cash Cloud veral onder boere veld gewen.

“Daar is ’n maandelikse tarief van R39 by die kaart betrokke,” sê Maya. “Ander koste, soos onttrekkings by ’n OTM, is ’n voorafbepaalde bedrag wat nie verander nie. Onttrekkings by ’ n winkel se kassier is gratis.”

’n Nuwe betaalmetode slaan tradisionele loondiewe disnis. Dit maak betaaldag aansienlik veiliger vir boere én hul werkers.

Cash Cloud bied boere wat gespesialiseerde werktuig- of voertuigbestuurders moet betaal, nou ’n alternatief tot groot

bedrae kontant.