Regering maak werk van droogte
DIE
KwaZulu-Natalse departement van landbou en landelike ontwikkeling het begin om die uitwerking van die voortslepende droogte te bepaal. Volgens mnr. Mike Black, voorsitter van Kwanalu, is dit ’n riem onder die hart om te sien die Regering tree vroeg op. “Die skadebepaling word egter bemoeilik omdat ons nog nie weet wat in die komende maande, wanneer reën steeds moontlik is, gaan gebeur nie. Tans is die departement se klem op vee wat reeds gevrek het, maar dit is steeds te vroeg om die suikerriet-, saai- en groenteboere se skade te bepaal,” sê Black.
Hoewel sommige dele van die provinsie gemiddelde reën oor die afgelope twee maande gehad het, het die meeste boere op 25 Februarie steeds swaar gekry. Die Suikerrietkwekersvereniging het bekend gemaak dat dié bedryf produksieverliese van R720 miljoen weens die droogte gaan aanteken. Volgens mnr. Ralf Küsel, verteenwoordiger van Graan SA in KwaZulu-Natal, was dit op 25 Februarie vir hulle ook te vroeg om ’n finale syfer van verlies weens die droogte aan te kondig, maar hy meen dit sal nie minder as 10% van die potensiële oes wees nie.
Me. Nalini Dixon, woordvoerder van die provinsie se departement van landbou en landelike ontwikkeling, meen die aanvanklike skadebepaling in die provinsie sal voortduur solank dit nodig is. “Teen einde Maart behoort ons meer duidelikheid te hê oor die invloed wat die ongewone reënval op die droogte het. Ons sal ons ondersoeke daardeur laat lei,” het Dixon aan Landbouweekblad gesê. – JOHAN VAN DER MERWE
Internasionaal: Die gemiddelde prys van koring het met 5,1%, oftewel $9,89/t (R1 14,17/t), gedaal tot $185,34/t (R2 140/t). Op ’n jaargrondslag is dit 16,6%, oftewel $36,91/t (R426,09/t), laer. Plaaslik: Die Safex-prys vir koring het met 0,2%, oftewel R9/t, gedaal tot R3 81 1/t. Op ’n jaargrondslag is dit 1,5%, oftewel R55/t, hoër. Die Safex-prys vir sorghum het teen R2 41 1/t onveranderd verhandel. Op ’n jaargrondslag is dit 30,7%, oftewel R1 069/t, laer.