BOERE JUIG OOR WELKOME REËN

DIE

reën in die week van 27 Februarie kon nie op ’n meer geleë tydstip gekom het nie aangesien die mielies teen daardie tyd reeds droogtestres begin toon het. Mnr. Handré Schoeman van die plaas Kerrera op Ida het aan Landbouweekblad gesê die mielies kry darem nou ’n tweede kans.

Schoeman sê hy het op 24 Februarie sowat 20 mm reën gemeet. Hy het oesversekering uitgeneem wat hom sowat R700 000 gekos het. As opvolgreën binne twee weke van dié datum val, sou sy verwagte opbrengs sowat 7 ton/ha onder droëlandverbouing wees. “Teen die Safex-pryse op 24 Februarie sou dit darem grootliks vergoed vir die koste van die oes- versekering.”

Mnr. Peter Stotter van Peachgrove, Ida, sê die neerslae was wisselvallig. Tussen Ugie en Dordrecht het 10 mm reën tot 30 mm reën geval. Verskeie boere het ook haelskade gehad.

Stotter sê weens die hittegolf die vorige twee weke het die veld begin verkleur. “Ons grootse kommer is die opgaardamme wat min water het. Ons het nietemin moed geskep met die onlangse neerslae en bid vir opvolgreën in Maart.

“Tot vandeesweek het die hoë mieliepryse wat gekwoteer word, nog nie ’n beduidende invloed op rooivleispryse gehad nie. Almal verwag maar dat vleispryse binnekort kan daal as dit blyk dat mielies die huidige hoë vlakke gaan handhaaf,” het Stotter gesê.

– THEUNS BOTHA

Internasionaal: Die gemiddelde prys van mielies het met 2,1%, oftewel $3,16/t (R36,48/t), gedaal tot $149,35/t (R1 724/t). Op ’n jaargrondslag is dit 16,2%, oftewel $28,86/t (R333,16/t), laer. Plaaslik: Die Safex-prys vir wit mielies het met 1,7%, oftewel R45/t, gedaal tot R2 650/t. Geel mielies het met 0,1%, oftewel R3/t, gedaal tot R2 405/t. Op ’n jaargrondslag is dit 13,7%, oftewel R420/t, laer vir wit mielies, terwyl geel mielies 20,1%, oftewel R605/t, laer is as in die ooreenstemmende tyd verlede jaar. Die Safex-prys vir sonneblomsaad het met 1,8%, oftewel R95/t, gedaal tot R5 150/t. Op ’n jaargrondslag is dit 3%, oftewel R150/t, hoër. Die internasionale prys het met 2,3%, oftewel $10/t (R115,44/t), gedaal tot $430/t (R4 964/t). Op ’n jaargrondslag is dit 15,7%, oftewel $80/t (R923,52/t), laer. Die internasionale prys van vismeel het met 1,2%, oftewel $20/t (R230,88/t), gedaal tot $1 680/t (R19 394/t). Op ’n jaargrondslag is dit 3,4%, oftewel $55/t (R634,92/t), hoër. Die internasionale prys van grondbone het teen $1 350/t (R15 584/t) onveranderd verhandel. Op ’n jaargrondslag is dit 3,8%, oftewel $50/t (R577,20/t), hoër. Internasionaal: Die gemiddelde prys van sojabone het met 0,9%, oftewel $3,39/t (R39,13/t), gestyg tot $370,81/t (R4 281/t). Op ’n jaargrondslag is dit 27,5%, oftewel $140,40/t (R1 621/t), laer. Plaaslik: Die Safex-prys vir sojabone het met 2,4%, oftewel R125/t, gedaal tot R5 080 /t. Op ’n jaargrondslag is dit 21,2%, oftewel R1 365/t, laer. Die verslae van prysneigings is van Agrimark Tendense (AMT) ontvang. Let daarop dat 27/2/2015 se vleispryse voorlopig is. As besturende direkteur van Aginfo, handeldrywend as AMT, koördineer prof.