SUIKER EN PIESANGS MAAK PLEK VIR NEUTE
IN die Sabievallei tussen Sabie en Hazyview in Mpumalanga is dit alledaags om te sien hoe piesangboorde uitgekap word om vir makadamianeute plek te maak. En in KwaZulu-Natal is suikerrietboere, veral in die Noorde, glo besig om duisende hektare suikerriet na makadamiaboorde oor te skakel.
Dit is omdat makadamias sulke goeie pryse op die wêreldmark (veral in die Ooste) behaal, sê mnr. Alan Sutton, voorsitter van die Valley Macadamias-groep, een van Suid-Afrika se grootste uitvoerders van makadamias na die Verre-Ooste.
Sutton het onlangs ’n toer deur die hele subtropiese produksiestreek onderneem om aanplantings en bestaande boorde te besigtig en meen die land gaan teen 2018 in die omgewing van 76 000 ton makadamias oes. Volgens die Suider-Afrikaanse Makadamiaprodusentevereniging (Samac) is daar in 2012 maar 9 680 ton makadamias geoes.
In die dop verhandel dié neute van R34,10/kg tot R65,85/kg en uitgedopte neute behaal tussen R147/kg en R217,56/kg na gelang van die gehalte. “Dit is goeie pryse in ’n mark wat nog ver van sy versadigingspunt is. Dit maak dus sin vir Suider-Afrikaanse boere om minder winsgewende gewasse met makadamias te vervang. Die gemiddelde opbrengs in dié streek is sowat 6 t/ha.”
– JASPER RAATS
Die gemiddelde prys van varkvleis (alle klasse) was 1,8% (42c/kg) hoër teenoor die vorige week, en 1,8% (44c/kg) hoër teenoor die ooreenstemmende week ’n maand gelede. Die gemiddelde prys van spekvarkkarkasse was 2,1% (50c/kg) hoër teenoor die vorige week en 2,3% (55c/kg) hoër teenoor die ooreenstemmende week ’n maand gelede. Die laagste prys was 2 348c/kg en die hoogste prys 2 698c/kg. Die gemiddelde prys van vleisvarkkarkasse was 0,4% (10c/kg) laer teenoor die vorige week en 3,9% (104c/kg) laer teenoor die ooreenstemmende week ’n maand gelede. Die laagste prys was 2 395c/kg en die hoogste prys 2 682c/kg. Op ’n jaargrondslag was die prys van vleisvarkkarkasse 17,4% (375c/kg) hoër en dié van spekvarkkarkasse 8,8% (195c/kg) hoër. Die prys van spek- en vleisvarkkarkasse kan opwaarts beweeg en dié van worsvarkkarkasse afwaarts. Die slagplaasverkoopsprys van bevrore braaihoenders was 0,3% (6c/kg) laer teenoor die vorige week en 1,6% (36c/kg) laer teenoor die ooreenstemmende week ’n maand gelede. Die gemiddelde prys van vars braaihoenders was 0,5% (1 1c/kg) laer teenoor die vorige week en 1,6% (38c/kg) laer teenoor die ooreenstemmende week ’n maand gelede. Die gemiddelde prys van bevrore braaistukke was 0,4% (7c/kg) laer teenoor die vorige week en 1,1% (22c/kg) laer teenoor die ooreenstemmende tyd ’n maand gelede. Die prys van bevrore braaihoenders was op ’n jaargrondslag 9,6% (197c/kg) hoër, dié van vars braaihoenders 1 1,9% (243c/kg) hoër en die prys van bevrore braaistukke 16,6% (280c/kg) hoër. Die prys van bevrore braaihoenders, vars braaihoenders en bevrore braaistukke kan sy- of opwaarts beweeg. Die prys van klas A2/A3-lamsvleis was 0,1% (7c/kg) laer teenoor die vorige week, en 1,6% (87c/kg) laer teenoor die ooreenstemmende week ’n maand gelede. Die laagste prys was 4 960c/kg en die hoogste prys 6 252c/kg. Die prys van klas C2/C3-skaapvleis was 0,1% (3c/kg) hoër teenoor die vorige week en 5,3% (196c/kg) hoër as in die ooreenstemmende week ’n maand gelede. Die laagste prys was 3 759c/kg en die hoogste prys 4 1 16c/kg. Op ’n jaargrondslag was die prys van die A2/A3’s gemiddeld 6,1% (302c/kg) hoër en dié van die C2/C3’s was 16,9% (561c/kg) hoër. Die prys van die A2/A3’s kan verder afwaarts beweeg en dié van die C2/C3’s sy- of opwaarts. Die gemiddelde prys van speenkalwers (190 kg-240 kg) was 4,2% (80c/kg) laer teenoor die vorige week en 1 1,7% (243c/kg) laer teenoor die ooreenstemmende week ’n maand gelede. Die “plaashekprys” was R18,37/kg. Die gemiddelde prys van klas A2/A3-beesvleis was 0,2% (6c/kg) hoër teenoor die vorige week en 0,6% (19c/kg) hoër teenoor die ooreenstemmende week ’n maand gelede. Die laagste prys was 2 885c/kg en die hoogste prys 3 861c/kg. Die gemiddelde prys van klas C2/C3-beesvleis was 2,1% (53c/kg) hoër teenoor die vorige week en 3,5% (95c/kg) laer teenoor die ooreenstemmende week ’n maand gelede. Die laagste prys was 2 512c/kg en die hoogste prys 3 177c/kg. Op ’n jaargrondslag was die prys van die A2/A3’s altesame 14,9% (437c/kg) hoër en dié van die C2/C3’s was 13,3% (308c/kg) hoër. Die prys van die A2/A3’s en die C2/C3’s kan verder opwaarts beweeg.
Die prys van aartappels het vergeleke met die vorige week met 10,7% gedaal en is 2,4% laer teenoor die ooreenstemmende tyd verlede jaar. Verkope het met 28% teenoor die vorige week gestyg en is 5,2% laer teenoor die ooreenstemmende week verlede jaar. Die hoofproduksiegebiede in volgorde van lewering op die Johannesburg-mark is tans die Oos-Vrystaat (47%), Mpumalanga (8,6%), die Suidwes-Vrystaat (7,7%), Noordwes (6,6%), Limpopo (5,8%), KwaZulu-Natal (5,6%) en die Noord-Kaap (5,5%). Die prys kan sy- of opwaarts beweeg. Die prys van wortels het met 1,3% afgeneem en verkope het met 7,5% teenoor die vorige week gestyg. Die prys was 35,2% laer as in die ooreenstemmende week ’n jaar gelede, terwyl verkope 3,9% hoër was. Die prys kan sywaarts beweeg. Die gemiddelde prys van kopkool het met 39,6% teenoor die vorige week toegeneem en is 32,2% hoër teenoor die ooreenstemmende week ’n jaar gelede. Die volume verkope het met 0,3% teenoor die vorige week gestyg en was 1 1,8% laer as in die ooreenstemmende week ’n jaar gelede. Die prys kan sy- of opwaarts beweeg. Die gemiddelde prys van uie was 7,9% hoër teenoor die vorige week, terwyl verkope met 15,4% gestyg het. Die prys is 37,5% laer as in die ooreenstemmende week verlede jaar, terwyl verkope 3,7% hoër was. Die prys kan sywaarts beweeg. Die gemiddelde prys van tamaties het met 23,4% teenoor die vorige week toegeneem. Verkope het met 7,7% gedaal. Die prys was 4,6% hoër teenoor die ooreenstemmende week ’n jaar gelede, terwyl die volume verkope 4,4% hoër was. Die prys kan sy- of opwaarts neig. Die wolmark het as gevolg van die sterker rand laer gesluit. Cape Wools se Merino-aanwyser het 1,8% verloor en op R1 10,08/kg (skoon) gesluit. Dit is 1,4% laer as op die openingsveiling en 4,4% laer teenoor die ooreenstemmende verkope van die vorige seisoen.