REGERING WIL NOU REGULASIES HERSIEN
DIE
Kabinet vereis dat die voorgestelde regulasies vir die vestiging van ’ n Suid- Afrikaanse biobrandstofbedryf in die lig van voedselsekerheid hersien word.
Dít blyk uit die antwoord op ’ n ope brief aan die Regering deur die drie voorste betrokkenes wat hulle vir die vestiging van ’ n biobrandstofbedryf in Suid- Afrika beywer. Hulle gee in dié brief hul diepste misnoeë en teleurstelling te kenne met die voeteslepery om die nodige regulasies in te stel.
Dr. Wolsey Barnard, waarnemende direkteur- generaal van die Departement van Energie, skryf in antwoord op die ope brief deur PhytoEnergy, Mabele Fuels en Clean Tech Africa dat die konsep- beleidsdokument daaroor in Desember 2014 in ’n Kabinetsvergadering vir goedkeuring voorgelê is.
SUBSIDIEMODEL
Die Kabinet vereis egter dat die taakspan wat daarvoor verantwoordelik is, eers die voorgestelde subsidiemodel en grondstof- protokol moet hersien, in die lig van “kommer oor voed- selsekerheid en verwante sake”.
In Wolsey se brief, wat Landbouweekblad bekom het, sê hy die hersieningsproses behoort teen einde Maart afgehandel te wees, en dan sal die aangepaste beleidsdokument vir ministeriële en uiteindelik Kabinetsgoedkeuring voorgelê word.
Hy neem kennis van die bel eggers se kommer, maar sê hulle moet besef die beleidsproses betrek verskillende regeringstrukture, en is nie ’ n vinnige proses nie. — MARLEEN SMITH
AFRIFORUM HET ONLANGS ’N SAMEWERKINGSOOREENKOMS MET AGRI SA EN OOK DIE TLU SA GESLUIT. SIEN AFRIFORUM HOMSELF AS DIE GEMENE DELER IN GEMEENSKAPSVEILIGHEID?
Dit sal ’n verkeerde benadering wees. Die regte benadering is eerder om te sê ons het elkeen ’n rol en dan toe te sien dat daardie onderskeie rolle so bymekaar inskakel dat dit die beste is vir die mense op grondvlak. Ons doel met dié ooreenkomste is om te sorg dat mense, nie net ons lede nie, vry, veilig en voorspoedig in Suid-Afrika kan leef.