Agri SA en Afriforum maak saam veilig
DIE
burgerlike organisasie Afriforum en die landbou-unie Agri SA het ’n samewerkingsooreenkoms aangegeaan om veiligheid op die platteland te bevorder.
Mnr. Kallie Kriel, uitvoerende hoof van Afriforum, sê die ooreenkoms is ’n stap om veiligheid te help verseker in gemeenskappe in die land wat onder misdaad ly. “Die ooreenkoms vloei daaruit dat organisasies in die burgerlike samelewing ’n plig teenoor die publiek het om te verseker dat veiligheidsaksies so doeltreffend moontlik aangepak word,” sê hy.
Die ooreenkoms behels onder meer dat waar die onderskeie partye gemeenskapsveiligheidstrukture het wat aangrensend tot mekaar geleë is, kommunikasiekanale gevestig word om misdaad tesaam te bekamp.
Mnr. Johannes Möller, voorsitter van Agri SA, sê al hoe meer Suid- Afrikaanse kommersiële boere woon op dorpe, wat dit nodig gemaak het om te verseker dat veiligheidstrukture op dorpe nie gedupliseer en doeltreffendheid ingeboet word nie. Afriforum het oorwegend veiligheidstrukture op dorpe, terwyl Agri SA strukture in plaasgebiede het.
Mnr. Kobus Breytenbach, voorsitter van Agri SA se landelike veiligheidskomitee, sê die ooreenkoms sal verwarring uitskakel oor die hantering van die veiligheidskwessie: “Agri SA en sy provinsiale organisasies het die verantwoordelikheid om landelike veiligheid tot op boereverenigingsvlak te hanteer en binne die voorrangkomiteestelsel met die Polisie te bedryf. Daarom vra ons boerderygemeenskappe om die veiligheidskwessie in noue samewerking met hul verskillende plaaslike boereverenigings te hanteer.”
Agri SA en Afriforum sal ten Lede van Afriforum en Agri SA se bestuur by die ondertekening van die samewerkingsooreenkoms is, van links, agter: Mnre. Cornelius Jansen van Rensburg, vise- uitvoerende hoof van Afriforum, Ian Cameron, hoof van gemeenskapsveiligheid by Afriforum, Hans van der Merwe, uitvoerende hoof van Agri SA, en Kobus Breytenbach, voorsitter van Agri SA se Landelike Veiligheidskomitee; voor: Mnre. Kallie Kriel, uitvoerende hoof van Afriforum, en Johannes Möller, voorsitter van Agri SA.
minste twee keer per jaar vergader om samewerking oor sake van gemeenskaplike belang te bespreek.