Kabinet sê ja vir aksieplan met landbou

DIE

Kabinet het die beleidsaksieplan vir die landbou (APAP) én die vyf jaar- strategiese raamwerk vir die landbou, bosbou en visserye goedgekeur.

Hierdie goedkeuring kom te midde van ’ n onthulling deur prof. Edith Vries, direkteur- generaal van die Departement van Landbou, Bosbou en Visserye, dat die volledige inwerkingstel- ling van die APAP nie verwesenlik kan word nie. Dit is omdat die Nasionale Tesourie die departement se begroting met R158 miljoen besnoei het.

Mnr. Jeff Radebe, minister in die presidensie, sê die strategiese raamwerk dui die sleuteluitdagings aan wat deur die drie sektore ondervind word. Dit stel ook ingrypings voor oor aandeelhouding en transformasie, billike groei en mededingendheid, omgewingsvolhoubaarheid en bestuur. Die strategiese plan en die APAP sal jaarliks aangepas word.

“Grondhervorming is een van die regeringsprojekte wat gelykheid bevorder, maar sonder om tot dusver grootskaalse transformasie teweeg te bring. Dit gebeur terwyl die herverdeling-en-ontwikkelingsprogram verklaar dat die hoofdoel vir die herverdeling van grond is om die Suid- Afrikaanse landbou se struktuur te verander,” sê Radebe.

BOERE MOET FINALE PLAN NOG SIEN

Dr. John Purchase, uitvoerende hoof van die landbousakekamer Agbiz, sê dit is belangrik om ’n beleidsaksieplan, soos APAP, te hê wat die implementeringsplan van die geïntegreerde groei-en-ontwikkelingsbeleid (IGDP) van die sektor is.

Hoewel die landboubedryf ge- ken is in die oorspronklike opstel van die APAP, sê Purchase dat boere nog nie die finale weergawe gesien het wat die Kabinet goedgekeur het nie.

In die lig van die belangrikheid van die landbou binne die doelwitte van die Nasionale Ontwikkelingsplan ( NOP) en Suid-Afrika se nuwe groeiplan, het die Kabinet die departement in Julie 2013 versoek om met planne vorendag te kom oor hoe die doelwitte bereik kan word.

Dit het gelei tot ’ n beleidsraamwerk, bekend as die IGDP vir die sektor en ’n beleidsaksieplan (APAP) oor hoe die beleid uitgevoer kan word.

– JOYLENE VAN WYK