MNR. HERMAN LABUSCHAGNE,
Ek het op ’n plaas buite Heilbron grootgeword en altyd gewonder wat is die verskil tussen ’n dier en ’n stoetdier. Eers ’n diploma aan die Pretoria-Technikon (nou die TUT), later B.Tech. aan die Vrystaatse Technikon (nou CUT), en toe M.Tech. aan die Nelson Mandela Metropolitaanse Universiteit.
HET JY ’N SAGTE PLEK VIR ’N BEPAALDE RAS OF STREEK?
Mooi diere van enige ras. En die NoordoosVrystaat is my geboortegrond.
WATTER STAMBOEK-LID DOEN AL DIE LANGSTE DIERE-AANTEKENING?
Murray TE & Seuns, Holsteintelers van Graaff-Reinet, het die oudste deelnemernommer wat nog op die gerekenariseerde stelsel aktief is. Hulle neem sedert 1940 deel. Beslis! My gunstelinge is kruisskyf en ’n skaaptjoppie.
in ’n onderhoud met Landbouweekblad gesê hy moet vir die ekstensiewe Karooveld waarop hy boer, ooie van ’ n moeder met goeie moedereienskappe selekteer, iets wat hy met die Logix-inligting regkry.
NUWE ONTWIKKELINGE
’n Volledige diens aan die wildbedryf is die jongste toevoeging tot Logix. Die stelsel is klaar vir die verskillende wildsoorte aangepas en Logix-personeel was teen einde Januarie volstoom besig om telers se data te laai.
’n Groot aantal buffels en swartwitpense is al op die stelsel, sê Labuschagne. Dié inligting sluit onder meer stambome, horingmates en DNS-uitslae (vir ouerskap-bevestiging) in.
Nog ’n onlangse toevoeging is Logix-Bio, ’n DNS-argiefdiens, waaraan telers toenemend deelneem. ’n Teler betaal ’n eenmalige tarief van R25. Dan word sy diere se haarmonsters in ’n kluis by Stamboek en met ’n nommer op Logix gebêre, vir latere gebruik soos ouerskapbepaling of genomiese ontleding.
Herman sê daar is deesdae ’ n opmerklike groei in diere-aantekening, ook aan die prestasiemeting-kant. Onder die sowat 2 300 vleisbeeskuddes waarvan basiese inligting byvoorbeeld op die Logix-stelsel aangeteken word, doen 1 200 ook produksie- aantekening. Om dít in konteks te plaas: Van die rondom 487 000 vleisbeeste wat by Stamboek geregistreer is, word produksie-aantekening ook vir sowat 382 000 gedoen.
En hoe meer telers en genootskappe ag- terkom hoeveel Logix vir hulle kan doen, hoe meer wil hulle hê. Neffens Herman op sy lessenaar lê ’n dik lêer met versoeke vir nuwe soorte aantekening.
Die jongste ontwikkeling, wat binnekort beskikbaar behoort te wees, is ’n toepassing, Stamboek Linear, waarmee data met ’n mobiele toestel, soos ’n slimfoon, na Logix gestuur sal kan word. Binne minute kan ’ n verslag per e-pos aan byvoorbeeld die boer of evalueerder teruggestuur word met inligting, soos ’n klein stamboom en teelwaardes vir ’n dier wat hy in die kraal of veld staan en bekyk, beoordeel, meet of weeg.