Nuutste kultivars: Soja, mielies, sonneblom
Die saadmaatskappy Pannar het vanjaar ’n eerste plek in al die gewas- kategorieë van die Landbounavorsingsraad (LNR) se nasionale kultivarproewe behaal. Dít sluit in die ultravinnig groeiende mieliebasters onder besproeiing, vir die warm én koel/ matige gebiede; albei die geel en wit basters vir die oostelike en westelike droelandstreke; sonneblomme; sojabone ( die kategorie waarin Pannar- kultivars al die afgelope vier jaar ’ n toppresteerder is), en droëbone (vir rooi gespikkelde én klein wit inmaakbone).
Die Pannar-span, met sy hoofkantoor in Greytown, KwaZulu- Natal ( waar die maatskappy in 1958 gestig is), het Suid-Afrika die laaste weke deurkruis om hul jongste kultivars aan boere bekend te stel.
Mnr. Peet van der Walt, woordvoerder van die maatskappy, gee ’n uiteensetting daarvan.
WITMIELIEBASTERS
Die pakket van die kultivars PAN 4A-111, PAN 4R-511R en PAN 4B-311B groei vinnig. Dit is geskik vir al die oostelike produksiegebiede en die Noordoos-Vrystaat.
PAN 4B-311B was die beste wit baster in die LNR se kultivarproewe vir die oostelike produksiestreek. Hierdie basters presteer veral goed in die misgebiede, en word vir al die produksiegebiede onder besproeiing aanbeveel. Die kultivars het goeie algemene siektebestandheid, staanvermoë, graangehalte en skepelmassa. Hulle word soos die ultravinnig groeiende pakket van geel basters bestuur, en daar word aanbeveel dat hulle saam met die maatskappy se YieldBoost-swamdoderspuitprogram gebruik word.
PAN 6R- 665R en PAN 6R- 845CBGT is onderskeidelik ’n glifosaat- tolerante en ’ n stapelgeen- baster soortgelyk aan PAN 6Q-445B, wat vyf jaar lank die toppresteerder in die nasionale kultivarproewe was.
Hulle val in die klas vir kultivars met ’ n mediumgroeityd, en toon goeie stabiliteit en kompensasievermoë in verskillende produksietoestande. Die kultivars droog relatief vinnig af, het ’n goeie staanvermoë en is sterk meerkoppig. Pannar beveel dié basters aan as deel van die hoof-aanplantings vir die hele Hoëveld- produksiegebied, asook vir KwaZulu-Natal se noordelike, gematigde streek en die misgebiede.
Hulle toon goeie weerstand teen diplo-
GEELMIELIEBASTERS
PAN 4R- 576R en PAN 4R-776BR is ook onderskeidelik ’ n glifosaat- bestande en ’ n stapelgeen- baster in die vinnige groeiklas. Hulle word vir die Noordoos- Vrystaat en aanvullend in die oostelike produksiestreke aanbeveel, is meerkoppig en droog vinnig af. Ook vir dié pakket word die YieldBoost-swamdoderspuitprogram vir optimale produksie aanbeveel.
PAN 6R- 680R is ’ n baster met ’ n mediumgroeityd wat teen glifosaat bestand is, en ’n puik, stabiele prestasie in al die droëland-produksiestreke lewer. Dit was die beste geel baster in die LNR-proewe vir die oostelike én die westelike produksiestreek. Dit is ’n gedugte pakket saam met PAN 6Q-408CB. Dit is ’n goeie keuse vir kuilvoerproduksie en kan ook as ’n enkele oes onder besproeiing of aanvullende besproeiing verbou word.
Die Pannar-kundiges benadruk dat dit belangrik is om die reeks basters met ’n mediumgroeityd teen die aanbevole plantestand vir jou betrokke produksiestreek te plant as jy die gewenste resultate wil hê.
PAN 6R-680R toon goeie weerstand teen
’n Voorste saadmaatskappy het sy nuwe mielie-, sonneblom- en sojakultivars op boeredae bekend gestel.
kopvrot en is ’ n goeie keuse op lande met hoë onkruiddruk of as ’n toevlugsoord saam met PAN 6R-880CBGT.
PAN 6R-880CBGT is Pannar se nuwe stapelgeen- baster in die klas met ’ n mediumgroeityd, met stronkboorderbeskerming én bestandheid teen glifosaat. Dit is soortgelyk aan PAN 6Q-408CB en PAN 6R-680R, en is aangepas vir al die produksiestreke.
SOJABOONKULTIVARS
PAN 1500R is ’n nuwe kultivar met belofte wat deeglik getoets is. Dit is wyd aangepas en is die kultivar in Pannar se reeks met die beste opbrengsstabiliteit, hoewel dit nie die toppresteerder in enige van die produksiestreke was nie.
Dit het ’n onbepaalde groeiwyse, met ’n kompakte planttipe en ’n beter staanvermoë as sy spanmaats. In proewe met ’n hoë plantestand staan hy soos ’n paal, sê Peet. Dit is dus veral geskik vir lande met die maksimum plantestand om opbrengs na te jaag.
Die meer regop groeiwyse is geskik vir die nouer rye én die tradisionele 0,91 m-rye. Dit val in die 5,7- groeiklas en is geskik vir die gematigde en koel produksiegebiede.
Danksy die onbepaalde groeiwyse kan dit steeds presteer as dit laat geplant word. Dit is ook ’ n goeie keuse vir die westelike produksiegebiede.
PAN 1500R toon ook belofte onder besproeiing as dit in ’ n pakket saam met PAN 1583R geplant word.
PAN 1614R is ’n aantreklike kultivar met sterk vegetatiewe groei, ’n goeie staanvermoë én goeie opbrengsstabiliteit op plekke waar die opbrengspotensiaal hoog is. Dit herinner baie aan PAN 1666R, maar met meer oemf.
Dit is ’ n beter keuse onder besproeiing in die warm gebiede, maar kan in alle produksiegebiede en teen alle rywydtes geplant word. Dit val in die 6,4- groeiklas, met ’ n later blomtyd, en behoort met laat en vroeë plantdatums goed te presteer. Dit droog eenvormig af en stroop maklik. Die sterk en diep wortelstelsel maak dit ook goed geskik vir die watertafelgronde in die weste.
PAN 1729R is ’n laat kultivar en een van die min 7,3-groeiklas-kultivars op die mark. Die langer groeiklas, saam met bewese droogteverdraagsaamheid, maak dit een van die kultivars wat elke boer in die harde, westelike produksiegebiede moet plant, sê Peet. Dit bly langer groen en behou sy vermoë om te fotosinteer lank nadat ander kommersiële kultivars weens hitte- en droogtestres ingegee het. Dit is geskik vir die warm en matige produksiegebiede, asook KwaZulu-Natal.
In ’n ondersoek na wortelontwikkeling by Bothaville was dit een van die min kultivars waarvan die wortels dieper as 1,2 m afwaarts gegroei het. Dit is besonder mededingend by opbrengste van sowat 1,5 t/ha. Gegewe die nasionale gemiddelde opbrengs van 1,87 t/ ha is daar duisende hektaar waar dié kultivar die aangewese keuse behoort te wees, sê Peet. Dit kan stabiliteit in veral die Wes-Vrystaatse sojaboonproduksie bring.
SONNEBLOMBASTERS
Die nuwe konvensionele basters is PAN 7098 en PAN 7100, albei volseisoenbasters wat teen al die huidige bruinroes-rasse weerstand bied. Albei was onder die vier toppresteerders in die LNR se jongste proewe. Hulle is van die min drierigtingbasters wat goed met enkelkruisbasters meeding, maar terselfdertyd stabiliteit beloof.
PAN 7098 is ’ n drierigtingbaster met goeie opbrengspotensiaal. Dit vergelyk met PAN 7057 en vertoon goeie stabiliteit.
PAN 7100 presteer uitsonderlik stabiel en het ’n bogemiddelde olie-inhoud. Dit bevat elemente van PAN 7049 én PAN 7050, en word vir al die produksiegebiede aanbeveel.
PAN 7102CLP is een van die eerste basters in Suid-Afrika wat met die Clearfield Plusgeen bekend gestel is. Die Clearfield- produksiestelsel bied aan die boer doeltreffende bestryding van ’n breë spektrum gras- en breëblaar- onkruide nadat die baster opgekom het. PAN 7102CLP is ’n enkelkruis-baster wat effens vinniger groei tot blomtyd en soortgelyk is aan PAN 7049. Peet sê die nuwe geslag basters met die Clearfield- en Clearfield Plus- gene vergelyk baie gunstig, en vaar in baie gevalle selfs beter as die konvensionele groep.
PAN 7102CLP is wyd aangepas, en is veral geskik vir lande met onkruidprobleme en waar geenbewerking toegepas word. Dit bied weerstand teen alle huidige bruinroes-rasse, en is een van die basters met die hoogste stabiliteit oor verskeie opbrengspotensiale in die LNR se 2013/’14-proewe.
PAN 7117CLP bevat ook die Clearfield Plus- geen en bied ’ n goeie opbrengspotensiaal. Dit presteer goed in alle produksiegebiede en het noemenswaardig hoër olieopbrengste as soortgelyke basters.
PAN 7160CLP is ’n drierigtingbaster, ook met die Clearfield Plus-geen. Dit is gegrond op die PAN 7100-resep en bevat elemente van PAN 7049 en PAN 7050. Dit lewer ook hoër olie-opbrengste as die norm, en bevat die gene vir weerstand teen huidige bruinroes-stamme. Dit kan, soos PAN 7102CLP en PAN 7117CLP, met sukses gebruik word op lande met onkruidprobleme. Clearfield Plus is die geregistreerde handelsmerk van BASF.