Profert ‘nog op koers’
DIE
landboumaatskappy Profert ontken hardnekkige gerugte dat hy in f i nansiële moeilikheid is.
Mnr. Anton van Rooyen, besturende direkteur, het by navraag aan Landbouweekblad gesê die gerugte is ongegrond. “Inteendeel, ons kunsmis- afdeling is nog kerngesond.” Hy wys daarop dat die hele kunsmisbedryf ’n swakker as normale jaar beleef het.
Die Profert- groep het wél ’ n swak finansiële j aar agter die rug, bevestig hy. Hy sê dit is deels daaraan toe te skryf dat die einde van hul amptelike boekjaar van Februarie na Desember verskuif het om konsolidasie met hul nuwe Chinese vennoot, die RiuXing-groep, te vergemaklik.
Profert kon dus in wese net oor tien maande se handelsbedrywighede verslag doen.
Van Rooyen sê Profert het reeds gunstige oplossings met sy finansiers onderhandel en die vooruitsigte lyk belowend. Die groep is in die proses om sy finansiering deur die Land Bank te hernu.
“Profert het tydig opgetree deur sy filiaal-maatskappye optimaal te herstruktureer.”
‘CHINESE STEEDS BETROKKE’
Van Rooyen ontken ook die gerug dat Profert se Chinese vennoot, die kunsmismaatskappy RuiXing (wat ’n 55%-aandeel in Profert besit), hom intussen aan die ooreenkoms onttrek het.
Profert se planne om saam met die Chinese beleggers ’ n nuwe aanleg te vestig vir die omskakeling van steenkool in ureum, springstof en verwante produkte, moes weens sy swakker as verwagte finansiële prestasie en in oorleg met beleggers uitgestel word, maar dit is glad nie van die baan nie, sê hy. Van Rooyen sê al hierdi e ont wikkel i nge is geen gronde vir spekulasie oor die moontlike redes vir mnr. Abie van der Walt ( LINKS), di e stigter van Profert en voorsitter van die groep, se beweerde selfdood Maandagoggend by sy huis in Potchefstroom nie.
Profert is in 1999 gestig en het in die daaropvolgende jare sy belange sterk uitgebrei.
Sy hoofbesigheid was van die begin af kunsmis, maar mettertyd het hy ook sy sakebelange verder in die landbou- waardeketting gediversifiseer.
HOË PRODUKSIE
Volgens die Profert- webtuiste spesialiseer die maatskappy in korrel- én vloeibare kunsmis.
Dit sluit sy Black- kunsmisreeks in, asook ’ n reeks biologiese grondprodukte.
Va n Rooye n sê Profert produseer deesdae in seisoentyd van 4 000 ton tot 5 000 ton kunsmis per dag in verskeie vermengingsaanlegte oor SuidAfrika heen.
Vr o e ë r v a n j a a r h e t d i e maatskappy aangekondig dat hy ’n ooreenkoms vir beleggings van R7 miljard met die China Africa Development Fund, RuiXing en Suid- Afrika se Nywerheidsontwikkelingkorporasie gesluit het. Dit is ten tyde van ’n besoek deur pres. Jacob Zuma aan China onderteken, is in die verklaring gesê.
Na berig word, is RuiXing China se grootste kunsmisverskaffer in private besit.
Toe RuiXing destyds die meerderheidsbelang in Profert bekom het, het die maatskappy ’n jaarlikse omset van meer as R16 miljard en ’n gesamentlike batebelang van meer as R10 miljard in die vooruitsig gestel.
Modelle wys die kans is goed dat die El Niño-weerverskynsel hierdie somer gaan oorheers.