Pasop vir nóg ’n droë somer
DROOG en warm, Dit is waarheen die komende somerreëntyd in Suid-Afrika neig, sê die klimatoloog dr. Willem Landman.
Modelle vir klimaat- vooruitskouings wys die kans is baie goed dat die El Niño- weerverskynsel hierdie somer g aan oorheers. Dit kan selfs in ’n sterk El Niño ontwikkel, meen Landman, ’ n hoofnavorser by die Wetenskaplike Nywerheidsnavorsingsraad ( WNNR) en hulpnavorser aan die internasionale navorsingsinstituut vir die klimaat en samelewing (IRI) in New York.
Dit is slegte nuus vir Suid-Afrika se somersaaiboere, wat veral in die westelike produksiestreek die afgelope somer een van die strafste midsomerdroogtes in dekades beleef het.
Die jongste vooruitskouing van die indeks vir see- oppervlaktemperature (SST), wat op die stand van El Niño of La Niña dui, is dat dit teen die begin van die somer tot 1 ˚C kan styg, en in die drie maande van November tot Januarie tot effens hoër kan styg (sien die GRAFIEK ).
Hoe hoër die indeks, hoe groter is die intensiteit van El Niño. ’n SST-indeks van 1 tot 1,4 word as middelmatig beskou. Daarbo raak die verskynsel sterk tot baie sterk. Die afgelope seisoen het ’n swak El Niño oorheers, hoewel dit met so ’ n strawwe droogte gepaardgegaan het.
’ n Vorige sterk El Niño was in 1987/’ 88, met baie sterk El Niño’s in 1982/’83 en 1997/’98.