Sybokhaartrust swaai die septer
DIE
sybokhaarbedryf het wesenlike veranderinge in sy bedieningstrukture aangekondig. Dit sluit onder meer die verkleining van die direksie van Sybokhaar Suid-Afrika (SSA), ’n uitbreiding van verteenwoordiging in die Sybokhaartrust en die sentralisering van sy personeel in.
Mnr. Deon Saayman, hoofbestuurder van die SSA, sê die veranderinge volg ná maande se ondersoek na en samesprekings oor hoe om beter dienslewering aan die bedryf te verseker en duplisering van werksaamhede uit te skakel.
Die SSA-direksie is van 10 tot 4 lede verminder van wie 3 nie-uitvoerende direkteure sal wees. Die lede in die trust word van die huidige 8 tot 12 trustees vermeerder om dit meer inklusief te maak en ook voorheen be- nadeeldes, verwerkers en die makelaars van sybokhaar in te sluit.
Die personeel wat die trust, die SSA, Sybokhaarkwekersvereniging (SASKV) en Bemagtigingstrust bedien, asook die finansiële verantwoordelike van die bedryf sal binne die SSA gesentraliseer word.
Saayman sê die SASKV sal as ’ n onafhanklike organisasie bly voortbestaan en steeds deur sy personeel op Jansenville bedien word. Dit geld ook vir die personeel van die Bemagtigingstrust. “Die veranderinge sal meebring dat die bedryf vinniger besluite neem en meer vaartbelyn is. Waar geld weens duplisering in sy strukture in die verlede ondoeltreffend aangewend is, sal dit nou benut kan word om méér personeel, waaronder ’n ekonomiese en volhoubaarheidsbeampte, aan te stel.”
Mnr. Davey Herold, voorsitter van die Sybokhaartrust, het die ontwikkelinge as ’n “historiese stap” bestempel wat die fondament lê om ’n nuwe era in die bedryf in te lui.
Mnr. Cobus de Klerk, voorsitter van die SASKV, het eweneens die veranderinge ver- Die verkleinde direksie van die SSA is van links mnre. Deon Saayman, uitvoerende direkteur, Rothner Bekker, die voorsitter, Andrew Laing (verwerkers) en Pierre van der Vyver (makelaars). Van der Vyver het ná die bedanking van mnr. Reinhold du Randt verlede jaar as voorsitter van die SSA waargeneem.