‘PASOP VIR SWAELMENGSELS’
Wees versigtig vir kunsmisprodukte wat vinnig en goedkoop vermeng is deur elementêre swael by die mengsels te voeg, waarsku dr. Koos Bornman, hoofbestuurder van strategiese landboudienste by Omnia.
Hy het op ’n Omnia-boeredag by Secunda benadruk dat plante net sulfate as swaelbron uit die grond kan benut. Elementêre swael moet dus eers tot sulfaat geoksideer word voor dit vir plantopname beskikbaar is.
“Die byt wat heel moontlik die seerste maak, is die gebruik van ondoeltreffende swaelbronne in plantvoeding,” het Koos gesê.
Die toediening van elementêre swaelprodukte kan tot swaeltekorte lei, wat uiteindelik die opbrengs en gewasgehalte benadeel.
Hy het verduidelik daar is ’n neiging in die kunsmisbedryf om hoë konsentrate, soos ureum en diammoniumfosfaat (DAP), te vervaardig, hoofsaaklik as gevolg van ekonomiese en vervoervoordele. “Hierdie soort materiale word dan nader aan die verbruikspunt vermeng. Die vinnigste en goedkoopste oplossing vir vermengers is om elementêre swael by te voeg, as gevolg van sy konsentrasie, beskikbaarheid en goeie prys.”
Daar kan egter BO: ’n Bemestingkenner waarsku dat ’n saaiboer hom maklik ’n kat in die sak kan koop as hy kunsmismengsels aanskaf wat goedkoop met elementêre swael vermeng is.
INLAS: Dr. Koos Bornman, hoofbestuurder van strategiese landboudienste by Omnia, het op ’n boeredag by Secunda gewaarsku teen die gebruik van elementêre swaelprodukte in bemesting.