Jongboer se rekenaarprogram maak wêrelde oop CARL VAN DER MERWE
Die Van der Merwes van Boplaas was op die punt om ’n koopkontrak vir twee nuwe plase te onderteken toe die polisie hulle vra om die prokureurskantoor op Ceres te ontruim. Dit was laat in 2012 en bo hul koppe het helikopters rondgevlieg en opstokers het gillend die strate ingevaar.
Te midde van die ongekende chaos wat die erge arbeidsonrus en stakings meegebring het, het dié tiengenerasie-boerdery, die oudste familie-onderneming in Suid-Afrika, kans gesien om verder in die landbou te belê terwyl ander geen toekoms meer gesien het nie.
“Ons is baie optimisites oor die landbou,” sê mnr. Carl van der Merwe (27). Hy is pas aangewys as Agri Wes-Kaap en Santam Landbou se Jongboer van die Jaar, wat binnekort met jongboere uit ander provinsies gaan kragte meet om die nasionale titel.
Hy boer op vier plase van altesaam 360 ha met appels, pere en perskes en neem sowat 400 mense in diens (waarvan die helfte per- manente werknemers is).
Sy pa, Fanie, het nie een van sy vier seuns gedwing om by die boerdery aan te sluit nie en Carl het sy toekoms in die motorbedryf gesien. In 2006, kort ná matriek, het hy by Barloworld Motors se Toyota- handelaar naby Tygervallei ingeval. Hy het heel onder begin en moes vir ’n salaris van R2 500 per maand rakke pak en vloere vee in die onderdele-afdeling, maar daar het hy een van die belangrikste lesse van sy lewe geleer.
“My baas het vir my gesê: ‘Jong man, hier by my val jy nie in as iets nie, jy begin onder en jy werk jou op na iets toe, want dis al hoe jy die lewe se fondamente reg kry.’ Weet jy, daai woorde het gelukkig in my kop vasgesteek en nou is dit my lewensfilosofie.”
Die volgende maande het hy alles gedoen, van motorverkope tot administratiewe take, en binne twee jaar was hy leerling-boekhouer. Hy het terselfdertyd B.Comm. deur Unisa gestudeer. Later het hy ’n draai as verkoopsagent by Orbit, die Mercedes-handelaar op Worcester, gemaak. “Een Woensdagmiddag
’n Eenvoudige rekenaarbestuursprogram was die rede waarom die Van der Merwes in 2012 twee nuwe plase te midde van arbeidsonrus gekoop het. Dié program is die geesteskind van mnr. Carl van der Merwe, die tiende geslag in Suid-Afrika se oudste familiebesigheid, en ook vanjaar se Wes-Kaapse Jongboer van die Jaar.
landbou betrokke te raak nie, maar as jy wil, moet jy eers minstens drie jaar op ’n ander plek werk en jou geskiktheid vir die pos deur ervaring of opleiding kan bewys.