Puik tegnologie met warm hart
Die wêreld in Noordwes tussen Lichtenburg en Ventersdorp is Casewêreld. Mnr. Matroos Myburgh, takbestuurder van Case Lichtenburg, sal jou vertel dat die maatskappy ’n markaandeel van 54% in trekkers en werktuie het, en dat die familie-verhouding tussen Case en sy boere hier gestalte vind.
Dit is ook hier, tussen Koster en Lichtenburg, waar mnr. André du Preez reeds 23 jaar lank boer.
Die Du Preez’s boer al geslagte lank in die omgewing: eers André en sy broer, Kobus, se pa André, daarna die twee seuns op afsonderlike plase, en nou André se seuns, André, wat heeltyds saam met sy pa boer, en Waldo, wat tans aan die Universiteit van die Vrystaat studeer, maar wat ook gedurende vakansietye inspring.
André plant wit mielies, sojabone, graansorghum, ertjies en koring aan. Die ertjies word as wintergewas aangeplant, gevolg deur suikerbone.
André sê hy het 17 jaar gelede besluit om te begin meganiseer en dit is waar sy verhouding met Case begin het.
GROTER MEGANISASIE
“Die landbou-omgewing het begin verander in die rigting van groter meganisasie. Ek moes dus besluit watter fabrikaat die beste in my boerderybehoeftes kon voorsien. Ek het verskillende fabrikate ondersoek en met verskeie maatskappye gesels. Op die ou einde was dit die tegnologiese voordeel wat Case gehad het, wat my laat besluit het om ’n pad saam met hom te stap.”
André sê hy het aanvanklik net Case-trekkers gebruik. (Sy eerste Case-trekker was ’n Maxxum 125 wat hy gekoop het om mee te ploeg). Sy verhouding met Case het oor die jare ontwikkel tot waar hy vandag ook Case-werktuie in sy boerdery gebruik.
“Ek het my hele vloot oorgeswaai na Case toe en ek was nog nie ’n dag spyt nie,” sê hy.
Ná die Maxxum 125 het André opgegradeer na die Magnum 270, gevolg deur twee Steiger STX 430’s, en van daar af het hy sy meganisasie aangepas om vandag te kan spog met die twee Steigers, ’n 7130 Case-stroper, ’n 4420 Patriotspuit, twee Maxxum 125’e, een Magnum 310, en drie Case JX95’s.
LOJALITEIT
Dis duidelik dat André se lojaliteit teenoor Case diep deur sy are vloei. Maar dis beslis nie ’n eenrigting-lojaliteit nie.
“Case se verhouding met sy boere is ’ n familie- ding. Jy ry amper dorp toe net om by jou takbestuurder te gaan koffie drink,” sê hy en glimlag breed.
“Dit laat ’n mens welkom voel as jy daar instap. Vir die mans is dit dalk lekkerder, maar dalk nie soveel vir hul vroue nie, want êrens weet hulle hier kom weer ’ n koop- ding deur,” sê hy laggend. André sê Case se diens lê hom na aan die hart.
“Ek is in die gunstige posisie dat my boerdery tussen twee takke geleë is, met die Case-tak op Lichtenburg en Case Ventersdorp wat albei sowat 40 km van my af is.
“Albei takke se ondersteuning van my boerdery is ongelooflik. Diens is sekerlik die belangrikste maatstaf waaraan ’n boer sy vennote meet.
DIENSBAKKIE
“Ek sê graag vir medeboere dit gaan nie oor die ‘ showroom’ nie, dit gaan oor die diensbakkie op die agtergrond. Case vergestalt dié siening vir my.
“As ek ’n probleem het, ongeag die tyd van die dag of nag, kan ek hul tegnici bel en hulle staan my by, elke keer. Die kere wat ek ’n onderdeel dringend nodig
’n Verhouding gebou op ondersteuning, diens en uitstaande gehalte vind gestalte op hierdie boer se plaas tussen Lichtenburg en Koster.
FOKUS
gehad het, het die Lichtenburg-tak selfs ’n voertuig na hul hoofkantoor in Isando gestuur om seker te maak die onderdeel kom betyds by my uit. Hulle gaan daai ekstra myl vir ’n ou. En dit is wat lekker is,” sê hy.
Tegnologie is altyd ’n besprekingspunt wanneer dit by landboumasjinerie kom en André benadruk dat Case se tegnologie bobaas bly.
BYBLY MET TEGNOLOGIE
“In vandag se dae, as jy nie bybly met tegnologie nie, raak dit te duur later om weer in te haal. Case kom elke keer met nuwe tegnologie vorendag wat dit vir die boer makliker maak om sy dagtaak te verrig.”
As voorbeeld noem hy die Case 4420 Patriotspuit wat toegerus is met Case se bewese AIM Command -spuitstelsel. Dit stel
® die spuit in staat om selfs in moeilike omstandighede elke keer die regte hoeveelhede van die spuitstof toe te dien.
“Die spuit laat my toe om kunsmis en onkruiddoder toe te dien deur ’n eenvoudige verstelling op die spuit te maak. Dit is die tipe tegnologie wat jou die voordeel gee,” sê hy.
DEEGLIKE OPLEIDING
Om te verseker dat elke stuk tegnologie reg aangewend word, ontvang elke tegnikus by Case deeglike opleiding en André meen dat die kennis van hul produkte in sy gesprekke met die manne deurkom.
“Die kennis van elke mens wat met Case-produkte werk, is fantasties. Wanneer ek byvoorbeeld met een van die takbestuurders gesels en die man vertel my van ’n nuwe stuk tegnologie wat Case op sy toerusting aanbring, maak dit jou sommer lus om te sê: ‘Ek boer volgende jaar weer’. ”
André draai geen doekies om nie: “Ek is ’ n Case- man. En ek is trots om dit te kan sê.”
ONDER: Stoppelbewerking word maklik gemaak met ’n perfekte kombinasie van die T8-reeks en die Maschio Gaspardo UFO.
LIZA BOHLMANN
1 EN 2: Van links is mnre. Pieter de Kok, die trotse eienaar van die Rovic 3600 L-kleingraanskyfplanter, by Dupie du Plessis van SSK Riversdal en Jaco Erasmus, verkoopsman van Rovic Leers.
3 EN 4: Die Rovic 3600 L bewerk die plaas Die Vlakte by Riversdal se uiters klipperige grond met gemak. Kleingrane, soos koring, hawer en gars, word saam met kanola verbou.