Skyfplanter tem klipperige grond
Graanboere wat Rovic se kleingraanskyfplanter gebruik, kan getuig van die wer k t u i g s e waar - devolle bydrae tot hulle boerderysukses.
Een van dié boere wat sy stem voeg by aanhangers van Rovic Leers se dienste en produkte, is mnr. Pieter de Kok van die plaas, Die Vlakte, naby Riversdal in die Suid-Kaap.
Pieter het sy kleingraanskyfplanter by SSK Riversdal gekoop en is in die transaksie bygestaan deur mnr. Dupie du Plessis van SSK Riversdal en mnr. Jaco Erasmus van Rovic Leers wat die Rovic 3600 L-skyfplanter op 15 April vanjaar afgelewer het.
Die Vlakte is ’ n gediversifiseerde plaas waar Pieter met skaap, bees, hawer, gars, koring en kanola boer.
Onder sy belangrikste werktuie tel sy ploeg, vlakbewerker beitelploeg, korsbrekers, voermenger, stroper en snyer. Sy nuwe kleingraanskyfplanter word by dié versameling werkesels gevoeg. Die Rovic 3600 L-skyfplanter spog met 35 skywe teen ’n spasiëring van 200 mm.
Die vier John Deere-trekkers op die plaas moet hard werk om die beste uit die werktuie op die klipperige grond te kry.
Pieter is opgewonde oor die verskil wat die Rovickleingraanskyfplanter maak. Die harde, klipbesaaide lande is geen probleem vir dié planter nie. “Ons sien die bewyse van hóé ’ n skyfplanter in hierdie toestande kan werk.”
Volgens hom dra die planter by tot verminderde brandstofverbruik. ’n Trekker met 93 kW trek die 7 m-planter met gemak en verbruik gemiddeld 3,6 liter per ha. Kalibrering is vinnig en maklik en spaar tyd en moeite.
Die planter se prestasie op klipperige grond bespaar ook baie tyd omdat die skyfplanter nie die klippe uit die grond loswoel soos ’n tandplanter nie. Dit is dus nie meer nodig om die los klippe van die lande te verwyder nie. Trouens, die Rovic 3600 L-skyfplanter kan selfs die moeilikste lande tem te oordeel na sy werksverrigting op Die Vlakte.
Die opvallende kenmerk van die plantjies wat uit die skyfplanter se bewerkingsarea kom, is dat die wortelsone se ontwikkeling beter is as plante in die tandplanter se bewerkingsarea. Dit voorspel potensieel ’ n groter opname van voedingstowwe en vog danksy ’n beter grondprofiel wat groei ondersteun en droogteweerstand verhoog.
Soos Pieter se ondervinding bewys, sny Rovic se skyfplanter met gemak deur bykans enige grondtipe. Ook ongelyke grond is nie ’n kwessie nie, danksy ’n hidrouliese drukbalansseerstelsel wat die planter in lyn hou met die middelseksie.
Die planter hou saad, klein sade en kunsmis in aparte houers. Volgens Pieter plant hy nou teen ’n hoër produktiwiteit as met sy tandplanter in dieselfde toestande. Die Rovic- kleingraanskyfplanter oortref ook die prestasie van soortgelyke planters op die mark omdat dit unieke dubbele skywe het pleks van ’n enkelskyfstel.
Die staaldrukwiel werk uitstekend en is sterk genoeg om selfs op klipperige lande goed te werk en lank te hou. Dit bied ’n voordeel bo ander fabrikate wat meestal rubberdrukwiele het wat gereeld vervang moet word.
Omdat die skyfplanter die grond minimaal versteur, kan Pieter nou plant voordat hy sy program vir die bestryding van onkruid toepas. Met konvensionele planters moes hy voorheen voor planttyd teen onkruid spuit, want met die plantproses is onkruid in die grond ingewerk. Die sade was derhalwe beskut teen onkruidmiddels, net om later op te kom.
Die Rovic 3600 L-planter maak korte mette met harde, klipbesaaide grond. Dit spaar ook tyd omdat dit tussen die klippe plant. Dié planter tem die moeilikste lande.
ONDER: ’n Omsetter, netjies in die bakkie geïnstalleer, maak dit moontlik om met ’n verskeidenheid elektriese toerusting herstelwerk in die veld te doen.