PowerRip se kragvertoning beïndruk
Die grootste verskil tussen die nuwe PowerRip en die vorige modelle is die opsie om ’ n dubbel e s t e l rollers te gebruik. Verskillende modelgroottes i s beskikb aar wat vanaf drie tande tot ’n wye skeurtandploeg met 15 t ande kan wissel.
Danksy Radium se ingenieursvernuf verseker die PowerRip-modelle se ontwerp doeltreffende energieverbruik.
“Die nuwe generasie het ’ n sterker raam en is effens swaarder as sy voorganger. Dit beïnvloed egter nie die hoeveelheid krag wat ’ n trekker nodig het om die PowerRip te trek nie,” sê mnr. Mike Roest, uitvoerende hoof van Radium Engineering. “Dit is die tande wat bepaal hoe groot en sterk die trekker moet wees. Ons werk op tussen 18 kW en 25 kW per tand.”
Van die verskille tussen die tweede en derde generasie PowerRip is in die raam se ontwerp opgesluit. “Ons het plat stawe pleks van vierkantpyp gebruik. Die dieptebeheerwiele is hoog- teverstelbaar en bykomende vering op die parallelstawe verhoog die afwaartse druk van die werktuig op die grond,” sê Mike.
“Die rollers van verskillende groottes draai teen verskillende snelhede en maak só ’ n beter saadbed. Dit is ’ n verbetering op die enkelroller op die vorige modelle.”
Die PowerRip se gewig word na die voorwiele van die trekker oorgedra deur middel van die boonste skakel. Dit verminder wielglip. Om rolweerstand te verminder en brandstofverbruik te optimaliseer, het die werktuig nie groot drawiele nie.
Die tanduitleg van die PowerRip verminder die aanpakking van oesreste en verminder slytasie. ’ n Maksimum werksdiepte van 550 mm en ’ n maksimum werkspoed van 7,5 km/h maak van die PowerRip ’n praktiese en veelsydige werktuig vir primêre grondvoorbereidingstake.
Tandspasiëring van 450 mm of 500 mm is beskikbaar. Die groter tandspasiëring vergroot natuurlik die werkswydte, maar vereis geen bykomende perde- krag van die trekker nie. Dit is veral geskik vir lande met baie oesreste, danksy die verbeterde materiaalvloei.
Die vierhefboomuitskopmeganisme is ontwerp om die werktuig te beskerm. As ’n obstruksie in die grond meer as 18 kN krag op die punt uitoefen, sal die meganisme uitskop en die tand toelaat om vrylik oor hindernisse te beweeg voor dit terugstel na die werkende posisie. 1. Die nuwe, derde generasie PowerRip-skeurtandploeg van Radium Engineering in sy “werksklere” op die land. 2. ’n Sterker, effens swaarder raamwerk maak van die PowerRip ’n taai kalant wat kans sien vir die strafste grondbewerkingstake. 4. Verskillende opsies vir die hoeveelheid tande op die PowerRip is op bestelling beskikbaar.
5. Mnr. Mike Roest, uitvoerende hoof van Radium Engineering.
Die derde generasie PowerRip van Radium Engineering is net so betroubaar soos sy voorgangers en bied ’n paar nuwe eienskappe vir beter grondbewerking en saadbedvoorbereiding.
Hou ’n ogie oor alles op jou plaas met die hulp van John Deere se FarmSight™, ’n nuwe bestuurstrategie wat werktuiginligting deurlopend beskikbaar stel.
Hael, vloede, droogte of plae: Boere hoef nie die spit af te byt nie. Mutual & Federal het aangekondig dat hy hierdie seisoen die oesversekeringsmark ernstig benader en sy kapasiteit in die mark wil vergroot.