Praktiese opvouraam bied vele voordele
Monosem verkoop vir vanjaar se planttyd ’n nuwe tipe opvour a a m ( met Ul t r a Maxtegnologie) vir die 12- en 16-rymodelle.
Die raam het plek vir: ■ Rywydtes van 76 cm, 91 cm
en wyer; ■ Monosem- planterkarretjies met gewone saadbakke of Monosem- planterkarretjies plus een sentrale saadbak met windverspreiding; ■ Korrelkunsmisbakke van 500 liter vir twee rye elk of ’n sentrale grootmaat- kunsmisbak met windverspreiding; ■ Kunsmis-oopmakers vir geenbewerking of vir minimumbewerking; ■ ’n Grondwielaangedrewe stel- sel of ’n hidroulies aangedrewe stelsel wat saam met presisieboerdery gebruik kan word; en ■ Rymerkers indien die kliënt dit verlang. Hierdie unieke raam word vanjaar vir die eerste keer deur Monosem in Suid-Afrika aangebied. Dit is ’n eenvoudige, konvensionele werktuig, toegerus met kunsmis- en saadbakke.
Dit word aangedryf soos ’ n gewone 4-, 6- of 8- ry- planter, maar dit kan ook met sentrale aandrywing vir saad, kunsmis en GPS-beheer toegerus word.
Die raam het ’ n vaste middelseksie in ’ n T- vorm. Hierdie middelseksie dra altyd vier Monosem-planterkarretjies met hul kunsmisbakke en - oopmakers (by 12- en 16-ry-planters).
Die “vlerke” aan albei kante van die middelseksie kan 15 grade op of af beweeg en dra die res van die Monosem- planterkarretjies met hul kunsmisbakke en -oopmakers.
In die plantposisie word die raam aan ’ n fris, reguit disselboom gekoppel deur twee trekstange wat van die trekpunt af sywaarts na die “vlerke” toe uitgaan.
Om te vervoer, vou die “vlerke” 90 grade vorentoe. Hulle skarnier nie by hul swaaipunte nie, maar aan twee ander punte langs die disselboom.
Dié werking is moontlik danksy die sterk konstruksie wat oor die volle wydte uit drie balke bestaan, en die disselboom wat teleskopies korter en langer kan skuif.
Die voorste balk van 70 cm x 70 cm dra die kunsmisbakke en die - oopmakers. Die agterste balk van 70 cm x 70 cm dra die Monosem-planterkarretjies. Die derde balk, wat effe hoër lê, dra die skarnierpunte en die hidroulika.